जपानी वाॅक चालण्याची एक पध्दत

ब्लाॅग नं.2025/180

दिनांकः 30 जून, 2025.

मित्रांनो,

वाढत्या वजनाची समस्या आजकाल एक सामान्य समस्या बनली आहे. वाढते वजन कमी करण्यासाठी लोक विविध तंत्रांचा अवलंब करतात.ज्यामुळे त्यांना तंदुरुस्त राहण्यास मदत होते.यासाठी सोशल मिडियावर दररोज अनेक ट्रिक्स व्हायरल होत असतात. आजकाल जपानी वॉक खूप ट्रेंडिंग आहे. ते कसे करायचे आणि वजन कमी करण्यासाठी ते प्रभावी आहे का ते आपण आजच्या या ब्लॉगमधून जाणून घेऊयात.

सविस्तरः

आजकाल सर्वजण दिवसभर कामात इतके व्यग्र असतात की,स्वतःची काळजी घेण्यासाठी वेळ काढू शकत नाहीत.यामुळेच लठ्ठपणासह अनेक आजार वेगाने आपल्या शरीरात वाढत असतात. अशा परिस्थितीत अनेकजण सोप्या, पण प्रभावी पद्धती शोधत असतात, ज्या जड व्यायामाशिवाय वजन कमी करण्यास मदत करू शकतात. यासाठी अनेक प्रकारची सूत्रे ट्रेंडिंगमध्ये असल्याचे आपण पाहतोच. अशीच एक पद्धत अलिकडच्या काळात चर्चेत आली आहे, ज्याला जपानी वॉक असे म्हणतात.

जपानी वॉक आजकाल खूप लोकप्रिय होत आहे आणि तज्ञ देखील वजन कमी करण्यासाठी हा वॉक प्रभावी मानत आहेत. ही एक सामान्य चाल नाही, तर जपानमध्ये वर्षानुवर्षे अवलंबली जाणारे एक खास तंत्र आहे. तर आज या लेखात आपण जाणून घेऊया जपानी वॉक म्हणजे काय? ते कसे करावे आणि ते केल्याने वजन कमी होण्यास खरोखर मदत होऊ शकते का?

जपानी वॉक नेमके कसे असते?

जपानी वॉक ही एक विशेष प्रकारची चालण्याची पद्धत आहे,जी जपानमधील लोक पाळतात.यामध्ये प्रथम तुम्हाला काही वेळ वेगाने चालावे लागते आणि नंतर हळूहळू चालावे लागते, त्यानंतर काही वेळ धावावे लागते.या चालण्यात, मध्ये इंटरवल घेतला जातो.म्हणून या चालण्याला इंटरवल वॉक असेही म्हणतात. हे दिवसातून फक्त 30 मिनिटे करावे लागते. आता ते कसे करायचे ते जाणून घेऊयात.

जपानी वॉक कशी केली जाते?

जपानी किंवा इंटरवल वॉक खूप सोपे आहे.जेव्हा तुम्ही फिरायला जाता तेव्हा प्रथम सामान्य वेगाने 2-3 मिनिटे हळू चालावे,जेणेकरून शरीर उबदार होईल.त्यानंतर,1मिनिट वेगाने चाला,जणू काही तुम्ही धावायचा  प्रयत्न करत आहात,पण धावत नाही आहात.यानंतर पुन्हा 2 मिनिटे हळू चालत जा, जेणेकरून शरीराला विश्रांती मिळेल.अशाप्रकारे आलटून पालटून जलद आणि हळू चालत राहा. तुम्ही हे 20 ते 30 मिनिटे करू शकता. आता त्याचे फायदे काय आहेत ते जाणून घ्या.

जपानी वॉकचे फायदे

वजन कमी करण्यासाठी हे वॉक प्रभावी आहे,परंतु चांगले परिणाम मिळविण्यासाठी,तुम्हाला ते नियमितपणे करावे लागेल.यासोबतच संतुलित आहार आणि पुरेशी झोप घ्या.जर तुम्ही हे सर्व नियमितपणे केले तर तुम्हाला अपेक्षित परिणाम मिळू शकेल.याशिवाय ते पोटाची चरबी देखील कमी करते.अनेक संशोधनात असे आढळून आले आहे की,जपानी वॉकमुळे तणाव कमी होतो, ज्यामुळे झोपेची गुणवत्ता सुधारते. एकंदरीत हे वॉक केवळ वजन कमी करण्यासाठीच नाही तर तुमच्या एकूण आरोग्यासाठी देखील फायदेशीर आहे.

समारोपः 

आज काल चालणे किंवा मॉर्निंग वॉकविषयी रोज वेगवेगळ्या पोस्ट येत असतात. 20-20-20 चा असाच प्लॅन,मध्यंतरी पुढे आला होता,ज्यात 1. पहिले २० मिनिटे: वॉर्म-अप/मध्यम गती.2. दुसरे २० मिनिटे: जलद/तीव्र चालणे. 3. तिसरे २० मिनिटे: थंडावा/आरामदायी चालणे.पण जपानी वाॅक ही सोपी पद्धत आहे.विशेषतः वृध्दांसाठी.

आजचा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

प्रसाद नातु, पुणे.