ब्लॉग नं. 2025/07 8 दिनांक:- 1 9 मार्च , 2025. मित्रांनो ,             मला आठवतंय 1985-90 चा काळ,नुकताच ब्लॅक अँड व्हाईट टीव्ही वर्ध्यात आला होता.मी माझ्या घरी “कोणार्क” म्हणजे ओरिसा इलेक्ट्रॉनिक्स कार्पोरेशनचा टीव्ही विकत घेतला होता. हे सांगायचं कारण म्हणजे 1985-90 या काळात साधारणतः फक्त “दूरदर्शन” हे फक्त एकच चॅनल दिसायचं आणि तेही घरावर तो अॅन्टेना लावूनच नव्हे,तर वेळोवेळी अॅडजस्ट करून.त्या काळात दर रविवारी दुपारी 1.30 वाजता प्रादेशिक चित्रपट इंग्लिश सबटाइटल्स सकट दाखविले जायचे.मी आणि आई,दोघेही हे चित्रपट पहात असू.ते सगळेच चित्रपट, पारितोषिक विजेते चित्रपट असतं.या गोष्टीची आठवण व्हायचे कारण म्हणजे,नुकताच मी एक हिन्दीमध्ये डब केलेला   “ रेखाचित्रम्”   हा एक सुरेख चित्रपट पाहिला.मला रहस्यमय थ्रिलर चित्रपट फार आवडतात.या चित्रपटात शेवट पर्यंत रहस्य टिकवून ठेवण्यात दिग्दर्शक जोफिन टी चाको कमालीचे यशस्वी झाले आहेत. आजचा ब्लॉग याच विषयावर. सविस्तर: चित्रपटाचे कथानक: चित्रपटाची सुरुवात भूतकाळात होते , एका काळोख्या आणि...

ब्लॉग नं. 2025/07 2 दिनांक:- 1 3 मार्च , 2025. मित्रांनो ,             काल सहज मूड बदलावा म्हणून गज़ल ऐकत बसलो होतो .मला गुलाम अली यांच्या गज़ल खूप आवडतात.त्यांच्या आवाजात जी फिरत आहे आणि शब्दोच्चारामध्ये जी नजाकत आहे.ती अक्षरशः वेड लावते.मधे केव्हा कुठे एखादी सुरेल तान किंवा आलाप घेतील,ते देखील आपल्याला त्या धुंदीत ठेवूनच.अशीच एक गज़ल मसरूर अन्वर यांची, “ हमको किसके ग़म ने मारा , ये कहानी फिर सही”.ऐकता ऐकता मनात आलं , याच्यावर ब्लॉग लिहिता येईल.थोडा ब्लॉगवरचा विषय देखील चेंज होईल आणि म्हणतात की Change हा हवाच आणि तो चांगल्यासाठी असेल तर मग क्या बात है.        सविस्तर: या गझलच्या सुरुवातीला, एक छान सा शेर आहे. गझलकार म्हणतो , ,     दिल की चोटों ने कभी चैन से रहने न दिया ।     जब चली सर्द हवा मैंने तुझे याद किया । इसका रोना नहीं क्यूँ तुमने किया दिल बर्बाद । इसका ग़म है कि बहुत देर में बर्बाद किया । मराठी अर्थ; मनाला झालेल्या वेदनांनी मला कधी स्वस्थ बसू दिले नाही. म्हणू...

ब्लॉग नं. 2025/05 7 . दिनांक: 2 6 फेब्रूवारी , 2025. मित्रांनो , कधी कधी काही गाणी खूप दिवस लक्षात रहातात.एवढेच नव्हे ते तर ती आपल्या मनावर कोरली जातात.अशी खूप आशयपूर्ण गाणी जी मनात ठसून रहातात आणि काही वेळा त्या गाण्यांशी काही आठवणी जोडल्या जातात.तरुणपणी मनुष्याच्या वाटेला असे काही प्रसंग येतात की जे एखाद्या गाण्याशी जोडले जातात.अशीच एक गोष्ट मी आज सांगणार आहे , त्या गोष्टीशी म्हणा , आठवणीशी म्हणा हे गाणे जोडले गेले आहे.   सविस्तर:           मी रेल्वेने नासिक रोड स्टेशनवरुन अकोल्याला येत होतो. नासिक रोडला एक वरात एका डब्यात चढली.ते सर्व एका डब्यात चढले होते.पण आतापर्यन्त नवरी मुलगी आणि नवऱ्या मुलासोबत अगदी मोकळे पणाने बोलणारा एक तरुण मुलगा माझ्या सोबत दुसऱ्या डब्यात चढला. तो वरातीसोबत चढला नाही.अचानक एक माणूस जो ट्रांजिस्टर घेऊन बसला होता. त्याच्या रेडियोवर   स्व.मुकेश यांनी गायलेले, “देवर” सिनेमातील हे गाणं लागलं.गीत आनंद बक्षी यांच, संगीत रोशन (राजेश आणि राकेश रोशन यांचे वडील) यांच आणि याचं चित्रण हे धर्मेंद्रवर करण्यात आलं होतं.   ...

Blog No.2025/053.  Date: -22nd, February,2025.    मित्रांनो ,             1960-80 या दरम्यान जन्माला आलेल्या लोकांना , अमीन सयानी माहित नाही असे होऊ शकत नाही. “भाईयो और बहनो” अशा मृदु संबोधनाने ते रेडियो रसिकांना साद घालीत.मला आठवतंय एखाद्या वेळेस लहानपणी बिनाका गीतमाला लावायचं विसरलो , तरी विशेष फरक पडत नसे . कारण बाजूच्या सगळ्याच घरांमधून बिनाका गीतमाला लागलेली असायची.त्या अमीन सयानी यांचे मागच्या वर्षी   20 फेब्रुवारीला वयाच्या 91 व्या वर्षी निधन झाले.या सोनेरी आवाजाच्या जादूगाराला पहिल्या स्मृती दिनी , विनम्र श्रद्धांजली वहाण्यासाठीचा हा ब्लॉग.           सविस्तर :             अमीन सयानी यांचा जन्म 21 डिसेंबर , 1932 ला झाला.अमीन सयानी यांची ओळख त्यांचे भाऊ हमीद सयानी यांनी ऑल इंडिया रेडिओ , बॉम्बे (आताचे मुंबई) येथे करून दिली.अमीन यांनी दहा वर्षे इंग्रजी कार्यक्रमात सहभागी झाला.पुढे त्यांनी ऑल इंडिया रेडिओ लोकप्रिय करण्यात मदत केली.अमीन सयानी यांचा भूत बंगला , तीन देवियां ...

Blog No.2025/049.  Date: -18th, February,2025   मित्रांनो ,             परवा म्हणजे रविवारी लक्ष्मण उतेकर दिग्दर्शित “छावा” हा हिन्दी चित्रपट बघितला आणि या विषयावर ब्लॉग लिहिण्याचा मोह मला आवरला नाही.छत्रपती संभाजी महाराजांवर आलेला हा सुरेख चित्रपट आहे.एका मराठी योध्याचे सुरेख चित्रण करणारा हा चित्रपट.महाराष्ट्राच्या राजाच्या शौर्याची हिन्दी जगताला आणि त्या निमित्ताने अखिल भारताला दखल घ्यायला लावणारा हा चित्रपट आहे.मुघल साम्राज्य भरात असतांना आणि एकीकडे भारतातील अनेक राजे मुघलांचे मांडलीकत्व स्वीकारून,आपली चमडी वाचविण्याचे प्रयत्न करत असतांना,आपल्या महाराष्ट्रातील दोन महायोध्ये छत्रपती शिवाजी महाराज आणि छत्रपती संभाजी महाराज यांनी मुघल साम्राज्य आपल्या अतुल सामर्थ्याने थोपविलेच नव्हे , तर त्यांना जेरीस आणले आणि त्यांना आपला झेंडा महाराष्ट्रात फडकाविता आला नाही,या विचाराने उर भरून येतो. सविस्तर:             या चित्रपटात छत्रपती संभाजी महाराजांची भूमिका साकारण्या...

Blog No 2024/24 1 . दिनांक : 11 , ऑक्टोबर ,  2024   मित्रांनो,             काल अभिनेत्री रेखाचा वाढदिवस होता आणि आज सुपरस्टार , महानायक , बॉलीवूडचा शहेनशहा अमिताभ बच्चन यांचा वाढदिवस आहे.रेखाची आणि अमिताभ यांची एकमेकांशी मैत्री म्हणा , भावनिक जवळीक किती होती माहित नाही.पण त्यांच्या या जन्मतारखेची जवळीक मात्र विलक्षण आहे.अमिताभ यांच्याबद्दल ब्लॉग लिहावा म्हटलं आणि माहिती गोळा करायला सुरुवात केली.अन जवळपास 10 पाने माहिती गोळा झाली.आता ही संकलित करून दोन पानांत कशी बसवायची ही समस्या आहे.बघू या. प्रास्ताविक: अमिताभ बच्चन यांचा जन्म  11  ऑक्टोबर  1942  रोजी अलाहाबाद (आता प्रयागराज) येथे हिंदी कवी हरिवंशराय बच्चन आणि सामाजिक कार्यकर्ते तेजी बच्चन यांच्या घरी झाला.अमिताभ श्रीवास्तव   हे अमिताभ बच्चन यांचे मूळ नांव. त्यांचे शिक्षण नैनिताल येथील शेरवुड कॉलेज आणि दिल्ली विद्यापीठाच्या किरोरी माल कॉलेजमध्ये झाले.1969 मध्ये मृणाल सेन यांच्या भुवन शोम या चित्रपटात निवेदक म्हणून त्यांची फिल्मी कारकीर्द...