ब्लॉग सं. 2025/1 51 दिनांकः 1 जून , 2025. मित्रांनो , जे मधुमेही आहेत,आणि टाइप 2 या प्रकारात मोडतात. म्हणजेच साधारणतः चाळीशी नंतर मधुमेह झाला आहे.त्यांना मेटफॉर्मिन बद्दल कल्पना असेल किंवा असायला हवी. मेटफॉर्मिन हे टाइप 2 मधुमेह नियंत्रणासाठी सर्वाधिक वापरले जाणारे औषध आहे.त्याची परिणामकारकता , सुरक्षितता , आणि परवडणारी किंमत , यामुळे हे पहिल्या पसंतीचे औषध मानले जाते.मेटफॉर्मिन कसे कार्य करते आणि त्याचे संभाव्य दुष्परिणाम काय आहेत , हे जाणून घेणे आवश्यक आहे. मेटफॉर्मिन म्हणजे काय ? मेटफॉर्मिन हे बिग्वानाइड्स नावाच्या औषधांच्या वर्गातील आहे.हे टाइप 2 मधुमेह असलेल्या लोकांमध्ये,रक्तातील साखरेची पातळी नियंत्रित करण्यासाठी वापरले जाते.आरोग्यदायक आहार आणि नियमित व्यायाम यांसोबत,याचा उपयोग विशेषतः केला जातो. टाइप 1 मधुमेहासाठी हे औषध सहसा वापरले जात नाही , कारण त्या स्थितीत शरीर इन्सुलिन तयार करत नाही. मेटफॉर्मिन दोन मुख्य प्रकारांमध्ये उपलब्ध आहे: 1. तत्काळ परिणाम करणाऱ्या गोळ्या – दिवसातून अनेक वेळा घेतल्या जातात. 2....
Blog
No.2023/226
Date:- 28th, August,2023.
मित्रांनो,
मी आज
एका गोड गझलचा परिचय आपणांस करुन देणार आहे. आशा भोसले यांनी ही गझल इतकी सुरेख गायली आहे की एकदा ऐकून मन भरत नाही. काल
मी अनेकदा ऐकली.ही गझल मिराज-ए-गझल या अल्बम मधील आहे. शबीह अब्बास-गुलामअली या गझलचे गीतकार असून,या गझलला
संगीत स्वतः गुलाम अली यांनी दिले आहे. बघूया काय आहे
ही गझल.
गझलचे बोल
सलोना सा सजन है और मैं हूँ
जिया में इक अगन है और मैं हूँ.
तुम्हारे रूप की छाया में साजन
बड़ी ठण्डी जलन है और मैं हूँ.
चुराये चैन रातों को जगाये
पिया का ये चलन है और मैं हूँ.
पिया के सामने घूँघट उठा दे
बड़ी चंचल पवन है और मैं हूँ.
रचेगी जब मेरे हाथों में मेंहदी
उसी दिन की लगन है और मैं हूँ.
गझलचा अर्थ म्हणा स्वैरानुवाद
गझल या अर्थ
वगैरे स्वतः समजून घेऊन, तुम्हाला समजाविण्या इतका काही मी मोठा पंडित नाही. ही गझल
माझ्या मनाला जशी भावली तसा स्वैरानुवाद मी आपल्या पुढे ठेवत आहे.
अशी मी आहे जिचा एक सुंदरसा साजण आहे.त्याला बघितल्यावर
जिच्या ह्रदयात आग लागली आहे.अशी मी आहे.त्याच्या देखण्या रुपात एक थंड अशी आग आहे
आणि ती जिला जाणवते आहे आणि त्यात जी जळते आहे, होरपळते ती मी आहे.जिच्या
रात्रीची झोप चोरुन तो जिला जागवतो आहे.आणि ही अशी त्याची तऱ्हा आहे.आणि तरी ती निमूटपणाने
सहन करते आहे,ती मी आहे.प्रियकरासमोर हा चंचल असा वारा केव्हाही तिच्या
चेहऱ्यासमोरील पदर बाजूला सारेल आणि तिचा चेहरा
त्याच्या समोर असेल ती मी आहे.ज्या दिवशी हातावर मेंदी लावली जाईल, त्या दिवसाची जी मनापासून वाट पहाते आहे ती मी आहे.
एका सुंदर दिसणाऱ्या पुरुषाच्या सान्निध्यात आल्यावर त्याच्या विषयी तिच्या मनात ज्या भावना म्हणा संवेदना म्हणा उत्पन्न झाल्या. अशी ती स्त्री हे गाणं म्हणते आहे.हे या गझलमध्ये सांगायचा गझलकाराने प्रयत्न केला आहे.अतिशय नाजुक,मुलायम, तलम असे शब्द पेरत ही गझल लिहिली आहे. असं मला वाटतं. माझं काही चुकत असेल तर जाणकारांनी जरूर मार्गदर्शन करावे.
गझलला दिलेली चाल, आशाताईंचा तो मनभावक असा स्वर यामुळे,मी गझल समजून घेण्यापूर्वी या गझलमधील नायिकेचे मनोगत माझ्या हृदयावर रेखाटले गेले तसे मी कागदावर उतरविले आहे.खरे शब्द तेच जे हृदयाला जाऊन भिडतात, तसचं खरा स्वर तोच जो शब्दांचा हृदयाला स्पर्श करवून जातो. म्हणून मी म्हटले आहे की नायिकेचे मनोगत माझ्या हृदयावर रेखाटले गेले. तुम्हाला काय वाटतं ते कमेन्ट बॉक्स मध्ये अवश्य लिहा.
आजचा हा
ब्लॉग तुम्हाला कसा वाटला,हे कमेन्ट बॉक्स
मध्ये जरूर लिहा. पुन्हा भेटूया उद्याच्या ब्लॉग मध्ये
तोपर्यंत आपली आणि आपल्या परिवाराची काळजी घ्या. स्वस्थ
रहा,आनंदी रहा,मस्त जगा.
प्रसाद नातु,पुणे
खुप छान लेख. साध्या, सोप्या भाषेत गझलचा मतितार्थ समजावून सांगितला आहे...👍
ReplyDeleteNice blog
ReplyDelete