नंदिनी शंकर एक प्रसिद्ध व्हायोलिन वादक

Blog No. 2023/97       

Date: 20^th, April 2023. 

मित्रांनो नमस्कार,

 

            व्हॉटस् अपवर येणारे forwarded मेसेज किंवा विडियो नेहमीच बिनकामाचे असतात असे नाही. काही वेळेस त्यातून आपण कधी कधी जे कधीच ऐकलं नव्हतं ते आपल्याला ऐकायला मिळतं.असाच एक forwarded विडियो परवा पाहिला म्हणा,ऐकला म्हणा.एका नवीन तरुण भारतीय व्हायोलिन वादकाची ओळख झाली आणि तिचे व्हायोलिन वादन खुप आवडले.कदाचित तुमच्या पैकी काही जणांनी तिच्या बद्दल वाचलं किंवा ऐकलं ही असेल.पण समर्थ रामदासांच्या “जे जे आपणासी ठावे,ते इतरांसी सांगावे” म्हणण्याप्रमाणे, मी आज त्या तरुण भारतीय व्हायोलिन वादकाची ओळख मी आज करून देत आहे.

 

प्रास्ताविक

            नंदिनी शंकर ही प्रसिद्ध व्हायोलिन वादक पद्मभूषण डॉ. एन राजम यांची नात आणि अत्यंत प्रशंसित व्हायोलिन वादक डॉ. संगीता शंकर यांची कन्या आहे.आजी आणि आई ह्यामुळे घराण्यातच व्हायोलिन वादनाचे बाळकडू तिला मिळाले.नंदिनी शंकर 3 वर्षांची असताना तिचे प्रशिक्षण सुरू केले.तिचा पहिला सार्वजनिक परफॉर्मन्स तिने वयाच्या आठव्या वर्षी दिला. तिने वयाच्या 13 व्या वर्षी तिचा पहिला पूर्ण एकल परफॉर्मन्स दिला. ती गायकी “अंग”मध्ये व्हायोलिन वाजवते. नंदिनी शंकरने वाणिज्य शाखेत आपली पदवी पूर्ण केली. ती चार्टर्ड अकाउंटंट आहे. तिने संगीतात एम. ए. पूर्ण केले आहे. नंदिनीने 9 मे 2021 रोजी प्रसिद्ध कर्नाटक संगीत फ्यूजन कलाकार महेश राघवन यांच्याशी विवाह केला.

 

व्हायोलिन वादन क्षेत्रातील कामगिरी

            नंदिनीने प्रथम 2016 साली कार्नेगी हॉल, न्यूयॉर्क येथे आपल्या व्हायोलिन वादनाचे कार्यक्रम सादर केला. तिने अमेरिका,कॅनडा,न्यूझीलंड,स्वित्झर्लंड,युनायटेड किंगडम, फ्रान्स, जर्मनी, बेल्जियम,नेदरलँड,हंगेरी,सौदी अरेबिया, बांगलादेश, मलेशिया, श्रीलंका, इंडोनेशिया आणि सिंगापूर आदि देशांमध्ये आपल्या व्हायोलिन वादनाचे कार्यक्रम सादर केले आहेत. भारतात तिने सवाई गंधर्व भीमसेन महोत्सव,यक्ष (उत्सव),संगीताचा सप्तक महोत्सव, पंचम निषादसाठी आरोही महोत्सव  या महोत्सवांमध्ये सादरीकरण केले आहे.आयटीसी एसआरए संगीत संमेलन,नेदरलँड्समधील मेरू संमेलन, हेमा मालिनी यांनी आयोजित केलेल्या जया स्मृती,भिलवाडा सूर संगम, द असोसिएशन ऑफ परफॉर्मिंग आर्ट्स ऑफ इंडिया, टी. एन. कृष्णन फाउंडेशन, दिल्ली आंतरराष्ट्रीय कला महोत्सव, बंगाल म्युझिक फाउंडेशन,आणि डोव्हर लेन म्युझिक कॉन्फरन्स.तसेच  तिला आयडिया जलसामध्ये आपले कार्यक्रम  केले गेले आणि तिने तिची बहीण रागिणी शंकरसोबत एक संगीत व्हिडिओ बनवला आहे.कौशिकी चक्रवर्ती यांनी स्थापन केलेल्या सखी या भारतातील पहिल्या ऑल-गर्ल भारतीय शास्त्रीय संगीत बँडचा ती एक भाग आहे. एक फ्यूजन बँड जो जगभरातील विविध शैली एकत्र करतो अशा 'इनस्ट्रिंग्स'चा ती एक भाग आहे,

ती मुंबईत राहते.

 

पुरस्कार आणि सन्मान

तिला 2007 ला संगीतेंदू पंडित लालमणी मिश्रा किशोर अध्येता पुरस्कार,

2012 हेमा मालिनी यांनी सादर केलेली जया स्मृती तिला सहभाग मिळाला.  

तिला 2018 मध्ये भारताचे उपराष्ट्रपती वेंकय्या नायडू यांच्या हस्ते  जश्न-ए-यंगिस्तान हा सन्मान  जाहीर करण्यात आला .

 

तिच्या व्हायोलिन वादनाचा विडियो सोबत जोडला आहे.त्याचा तुम्ही ही आनंद घ्या. आजचा हा ब्लॉग कसा वाटला,ते खाली दिलेल्या कमेन्ट बॉक्स मध्ये लिहा.

फोटो सौजन्य@wikipedia  

 

प्रसाद नातु, पुणे.