ब्लॉग सं. 2025/1 51 दिनांकः 1 जून , 2025. मित्रांनो , जे मधुमेही आहेत,आणि टाइप 2 या प्रकारात मोडतात. म्हणजेच साधारणतः चाळीशी नंतर मधुमेह झाला आहे.त्यांना मेटफॉर्मिन बद्दल कल्पना असेल किंवा असायला हवी. मेटफॉर्मिन हे टाइप 2 मधुमेह नियंत्रणासाठी सर्वाधिक वापरले जाणारे औषध आहे.त्याची परिणामकारकता , सुरक्षितता , आणि परवडणारी किंमत , यामुळे हे पहिल्या पसंतीचे औषध मानले जाते.मेटफॉर्मिन कसे कार्य करते आणि त्याचे संभाव्य दुष्परिणाम काय आहेत , हे जाणून घेणे आवश्यक आहे. मेटफॉर्मिन म्हणजे काय ? मेटफॉर्मिन हे बिग्वानाइड्स नावाच्या औषधांच्या वर्गातील आहे.हे टाइप 2 मधुमेह असलेल्या लोकांमध्ये,रक्तातील साखरेची पातळी नियंत्रित करण्यासाठी वापरले जाते.आरोग्यदायक आहार आणि नियमित व्यायाम यांसोबत,याचा उपयोग विशेषतः केला जातो. टाइप 1 मधुमेहासाठी हे औषध सहसा वापरले जात नाही , कारण त्या स्थितीत शरीर इन्सुलिन तयार करत नाही. मेटफॉर्मिन दोन मुख्य प्रकारांमध्ये उपलब्ध आहे: 1. तत्काळ परिणाम करणाऱ्या गोळ्या – दिवसातून अनेक वेळा घेतल्या जातात. 2....
Blog No. 2024/ 108.
Date: 28th,May 2024
मित्रांनो,
दहावी आणि बारावीच्या परीक्षांचे निकाल जाहीर होण्याचा हा काळ.या काळात ज्या मुलांचे रिजल्ट, मुद्दाम रिजल्ट लिहिले,कारण निकाल या शब्दाचा दूसरा अर्थ “त्याचा निकाल लागला” या वाईट अर्थाने देखिल वापरण्यात येतो, चांगले लागले असतील ते पालक आणि ज्या मुलांचे रिजल्ट मनाप्रमाणे लागले नसतील ते पालक, दोघेही काळजीत असतील.आता पुढे काय करायचे हा विचार सगळ्यांच्याच मनात असतो.याच विषयावर एक सुरेख आर्टिकल वाचण्यात आले.त्यातील माहिती आज तुम्हाला शेअर करत आहे,या आजच्या ब्लॉग मधून.
सविस्तर
10 आणि 12 चे निकाल जाहीर झाले,असंख्य विद्यार्थी त्यांच्या इच्छित विषयांचा पाठपुरावा करण्यासाठी महाविद्यालये शोधत असतील.विद्यार्थ्यांनी पदवी मिळवणे हे एकमेव उद्दिष्ट ठरवू नये.आजकाल आपल्या आवडीच्या करिअर सोबतच काही करिअर असतात की ज्यांना अधिक मागणी असते आणि पगार देखिल आकर्षक असतो.अशा वेळेस सर्वांनी एका करिअरकडे धावणे,हे स्वतःला स्पर्धेत ढकलण्यासोबत आपले आयुष्य जोखमीकडे नेण्यासारखे असते.म्हणून अशा काही नोकऱ्या आहेत,ज्या तुमच्या चांगली कमाईच्या पूर्ण करू शकतात,ज्यात पदवीधर असण्याची गरज नाही,अशा नोकऱ्यांचा विचार करायला हरकत नाही.
1. कमर्शियल पायलट:-
व्यवसायिक वैमानिकांची आवश्यकता कुणाला भासते:- व्यावसायिक विमान कंपन्या, चार्टर कंपन्या किंवा मालवाहू वाहकांसाठी प्रवासी किंवा मालवाहू सुरक्षितपणे आणि कार्यक्षमतेने वाहतूक करण्यासाठी आवश्यकता असते.
पायलट प्रशिक्षण प्राप्त करण्यासाठी प्रशिक्षण संस्था:-राजीव गांधी एव्हिएशन ॲकॅडमी, द बॉम्बे फ्लाइंग क्लब आणि इंदिरा गांधी इन्स्टिट्यूट ऑफ एरोनॉटिक्स सारख्या संस्थांमध्ये प्रशिक्षण अभ्यासक्रम उपलब्ध आहेत.
कोर्सची फी:- रु. 1.59 लाख ते रु. 20 लाख आहे.
व्यवसायिक वैमानिक या पदासाठी पात्रता:- DGCA आणि FAA कडील व्यावसायिक पायलटचा परवाना जो पायलट प्रशिक्षण संस्था मिळवून देतात आणि हायस्कूल डिप्लोमा किंवा समतुल्य आवश्यक आहे.
भारतातील व्यावसायिक पायलट वार्षिक उत्पन्न:- रु. 24 लाख.
2. एथिकल हॅकर:-
एथिकल हॅकर्सची कुणाला गरज भासते:- हे सायबरसुरक्षा व्यावसायिक आहेत जे सुरक्षितता वाढवण्यासाठी संगणक प्रणाली, नेटवर्क्स किंवा ऍप्लिकेशन्समधील सुरक्षा भेद्यतेचे कायदेशीररित्या शोषण करतात.
प्रशिक्षण कुठे मिळते:- सायब्ररी, उडेमी आणि कोर्सेरा वरील विविध ऑनलाइन संसाधने, ट्यूटोरियल आणि अभ्यासक्रम, प्रशिक्षण देतात.
एथिकल हॅकर पदासाठी पात्रता:- सर्टिफाइड एथिकल हॅकर (CEH), ऑफेन्सिव्ह सिक्युरिटी सर्टिफाइड प्रोफेशनल (OSCP), किंवा CompTIA Security+ सारखी प्रमाणपत्रे मिळवणे यासोबत कौशल्य आणि ज्ञान प्रमाणित करते आणि हायस्कूल डिप्लोमा किंवा समतुल्य आवश्यक आहे.
एथिकल हॅकर्सची कमाई:- भारतातील एथिकल हॅकर्स अंदाजे वार्षिक 24.00 लाखाच्या पुढे रुपये कमवू शकतात.
3. गुंतवणूक सल्लागार:-
गुंतवणूक सल्लागार कुणाला आवश्यक असतात:- वेगवेगळ्या गुंतवणूक स्वीकारणाऱ्या किंवा ग्राहकांमार्फत गुंतवणूक करणाऱ्या एजन्सीस, म्यूचुअल फंड कंपनी,शेअर ब्रोकर्स इत्यादि.
यासाठी प्रशिक्षण कुठे मिळेल:- NISM ची गुंतवणूक सल्लागार प्रमाणपत्र परीक्षा उत्तीर्ण केल्यावर तुमची गुंतवणूक सल्लागार म्हणून सेबीमध्ये आपोआप नोंदणी होते.नोंदणीसाठी परीक्षा आवश्यक असताना, पदवी अनिवार्य नाही. तथापि, सेबीचे नियम विशिष्ट शैक्षणिक पात्रता अनिवार्य करतात, जसे की व्यावसायिक पात्रता किंवा वित्त, वाणिज्य किंवा संबंधित क्षेत्रातील पदव्युत्तर पदवी. प्रमाणन परीक्षांना बसल्यानंतर आणि सेबीमध्ये नोंदणी केल्यानंतर, व्यक्ती वार्षिक रुपये 5 लाख आणि पुढे.
4. फ्लाइट अटेंडंट:-
फ्लाइट अटेंडंटची आवश्यकता कुणाला असते:- व्यावसायिक विमान कंपन्याना व्यावसायिक उड्डाणांवर प्रवाशांची सुरक्षा आणि सोई सुनिश्चित करण्यासाठी
यासाठी प्रशिक्षण कुठे मिळेल:- AME, Udemy, IATA, लुफ्थांसा यासारख्या प्रशिक्षण संस्थेत 6 ते 12 महिन्याचे प्रशिक्षण मिळते.
पात्रता:- 12वी बोर्ड पास पुरेसे आहे.
वार्षिक उत्पन्न:- भारतात फ्लाइट अटेंडंट वार्षिक 19.2 लाख रुपये कमवू शकतात.
5. शेफ किंवा हेड कुक:-
शेफ किंवा हेड कुकची आवश्यकता कुणाला असते:- देशातील कुठल्याही मोठ्या हॉटेलला आवश्यकता.
यासाठी प्रशिक्षण कुठे मिळेल:- कामाक्षी कॉलेज,गोवा विद्यापीठ,JIET जोधपुर,बसंत टेक्नॉलॉंजी,पुणे इत्यादि
पात्रता:- हायस्कूल डिप्लोमा किंवा समतुल्य पात्रता असलेले
हेड शेफ वार्षिक कमाई:- रुपये 30 लाख आणि पुढे
समारोप:-
नेहमीच्या रोजगारांपेक्षा म्हणजे डॉक्टर,इंजीनियर किंवा बँक यापेक्षा हे जरा वेगळे जॉब किंवा नोकऱ्या आहेत.जिवनात ज्यांना काही हटके करावेसे वाटते,त्यांच्यासाठी देखिल हे चांगले जॉब्स आहेत आणि ज्यांना काही एक्सायटिंग करायचे आहे,त्यांच्यासाठी व्यावसायिक पायलट किंवा फ्लाइट अटेंडंट, एथिकल हॅकर या नोकऱ्या आहेत.ज्यांना स्वयंपाकात रुचि आहे ते शेफ किंवा हेड कुकचा जॉब स्वीकारू शकतात. आणि बरेच असेही लोक असतात ज्यांचा जिवनात एकच उद्देश असतो,खूप पैसा कमवायचा,त्यांनी तर निश्चितपणे या नोकऱ्यांचा विचार करायला हवा.टिप:- प्रत्येक पदासाठीचे उत्पन्न किंवा पगार हे इंडियाटाइम्सच्या बातमी प्रमाणे आहेत,जे बदलू शकतात.
तुम्हाला आजचा ब्लॉग कसा वाटला ते कमेन्ट बॉक्स मध्ये जरूर लिहा. पुढचा ब्लॉग येईपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा.
प्रसाद नातु, पुणे.
मेडिकल / इंजिनीरिंग सोडून काहीही करा, BA /Bcom / Bsc करूच नये,, 3 वर्षे वाया घालवण्या पेक्ष्या, business चालू करावा
ReplyDeleteA sales job improves your personality and changes entire life mindset because you deal with various personalities
ReplyDeleteGood information
ReplyDelete