प्रोत्साहन की पैसा

 Blog No.2023/200      

Date:- 31^st,July 2023

 

                                           keep going, the two words motivate you.  

मित्रांनो,

            या वर्षीचा म्हणजे 2023 चा 200 वा ब्लॉग पोस्ट करतांना मला अतिशय आनंद होत आहे. आनंद यासाठी इतक्या विविध ब्लॉग पोस्ट लिहिण्यासाठी खाद्य म्हणजे विषय मला मिळाले. माणसाला एखादे कार्य करण्यास मुख्यतः दोन गोष्टी प्रेरित करत असतात. पहिली म्हणजे पैसा आणि दुसरी म्हणजे प्रोत्साहन. "Motivation"   पैसा एका विशिष्ट कालावधी करता प्रोत्साहन देऊ शकतो. प्रोत्साहन हे मनुष्याला अगदी मनुष्याच्या जीवनात जोपर्यंत कार्यरत राहिलो तरी कार्य करण्यास कामी येतं.मग नोकरीत असतांना एका टप्प्यावर हे माहित झालं होतं की आता कार्य करुन पैसा मिळणार नाही.पण प्रोत्साहनामुळे निवृत्तीपर्यन्त त्याच इर्षेने कार्य करत राहिलो, जेवढे नोकरीला लागली तेव्हा करत होतो. आज तुम्हा सगळ्या वाचकांच्या प्रोत्साहनामुळे हा 200 ब्लॉगचा टप्पा सात महिन्यात गाठू शकलो. त्या बद्दल सर्वांचे मनापासून आभार. आज त्या निमित्ताने दिवसातील दुसरा ब्लॉग. एक छान गोष्ट माझ्या वाचनात आली ती या निमित्ताने शेअर करत आहे.

एक छानशी गोष्ट  

एकदा प्रवचनात  गुरुजींनी एका  तरुणाला  उभे राहण्यास सांगितले व विचारले. "तू मुंबईत जुहू चौपाटीवर उभा  आहेस आणि समोरून एक सुंदर मुलगी येत आहे, तू काय करशील?"

तरुण म्हणाला, "मी  तिच्याकडे पाहिन."

गुरुजींनी पुन्हा विचारले, "ती मुलगी थोडे पुढे गेली तर मागे वळून तिला पुन्हा पहाशिल ?"

तो तरूण  म्हणाला, "हो, बायको माझ्यासोबत नसेल तर."

गुरुजींनी पुन्हा विचारले - "मला सांग, तो सुंदर चेहरा तुला किती दिवस लक्षात राहील?"

तरुण म्हणाला, "5-10 मिनिटे, जोपर्यंत दुसरा सुंदर चेहरा दिसत नाही तोपर्यंत."

गुरुजीनी  त्या तरुणाशी पुनः विचारले

"आता जरा कल्पना कर. तू जयपूरहून मुंबईला जात आहेस आणि मी तुला पुस्तकांचे एक पार्सल दिले आणि सांगितले की हे  मुंबईतल्या एका मोठया व्यक्तीला द्यायचे आहे.पॅकेट डिलिव्हरी करण्यासाठी तू त्याच्या मुंबईतील घरी गेला तेव्हा तुला कळले की तो एक मोठा अब्जाधीश आहे.तू आत पॅकेटची माहिती पाठवली, मग ते गृहस्थ स्वतः बाहेर आले. तुझ्याकडून पॅकेट घेतले. तू जायला निघाला तेव्हा घरात  येण्याची विनंती केली. जवळ बसवून गरमागरम जेवण दिले.

जाताना विचारले - "कसे आलात?"

तू उत्तरलास  "लोकल ट्रेनमध्ये."

त्याने ड्रायव्हरला तुला इच्छित स्थळी पोचवण्यास  सांगितले.तू तुझ्या इच्छित ठिकाणी पोहचला तोच त्या अब्जाधीश गृहस्थाचा फोन आला,

"भाऊ, तुम्ही आरामात पोहोचलात ना!

आता मला सांग, तू किती दिवस त्या गृहस्थाची आठवण ठेवणार?"

तो तरुण म्हणाला,

"गुरुजी!  अशा व्यक्तीला मी मरेपर्यंत विसरू शकणार नाही."

युवकाच्या माध्यमातून उपस्थितांना संबोधित करताना गुरुजी म्हणाले,

"हे जीवनाचे वास्तव आहे.सुंदर चेहरा थोड्या काळासाठी लक्षात राहतो, पण सुंदर वागणूक आयुष्यभर लक्षात राहते."

सारांश

मित्रांनो,कशी वाटली गोष्ट. आणि खरं तर हाच जीवनाचा गुरुमंत्र आहे.चेहऱ्याच्या आणि शरीराच्या सौंदर्यापेक्षा तुमच्या वागणुकीच्या सौंदर्यावर लक्ष केंद्रित करा.आयुष्य स्वतःसाठी आनंददायी आणि इतरांसाठी अविस्मरणीय प्रेरणादायी बनेल.याच सोबत आजच्या साठी इथेच थांबतो.

आजचा हा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

प्रसाद नातु,पुणे