ब्लॉग सं. 2025/1 51 दिनांकः 1 जून , 2025. मित्रांनो , जे मधुमेही आहेत,आणि टाइप 2 या प्रकारात मोडतात. म्हणजेच साधारणतः चाळीशी नंतर मधुमेह झाला आहे.त्यांना मेटफॉर्मिन बद्दल कल्पना असेल किंवा असायला हवी. मेटफॉर्मिन हे टाइप 2 मधुमेह नियंत्रणासाठी सर्वाधिक वापरले जाणारे औषध आहे.त्याची परिणामकारकता , सुरक्षितता , आणि परवडणारी किंमत , यामुळे हे पहिल्या पसंतीचे औषध मानले जाते.मेटफॉर्मिन कसे कार्य करते आणि त्याचे संभाव्य दुष्परिणाम काय आहेत , हे जाणून घेणे आवश्यक आहे. मेटफॉर्मिन म्हणजे काय ? मेटफॉर्मिन हे बिग्वानाइड्स नावाच्या औषधांच्या वर्गातील आहे.हे टाइप 2 मधुमेह असलेल्या लोकांमध्ये,रक्तातील साखरेची पातळी नियंत्रित करण्यासाठी वापरले जाते.आरोग्यदायक आहार आणि नियमित व्यायाम यांसोबत,याचा उपयोग विशेषतः केला जातो. टाइप 1 मधुमेहासाठी हे औषध सहसा वापरले जात नाही , कारण त्या स्थितीत शरीर इन्सुलिन तयार करत नाही. मेटफॉर्मिन दोन मुख्य प्रकारांमध्ये उपलब्ध आहे: 1. तत्काळ परिणाम करणाऱ्या गोळ्या – दिवसातून अनेक वेळा घेतल्या जातात. 2....
Date:-29th, December,2023.
मित्रांनो,
सकाळी
सकाळी मनांत आलं,आज जरा वेगळ्या विषयाकडे तुम्हाला घेऊन जायचे. शहरात प्रामुख्याने
भेडसावणारी समस्या,रहायला मनाप्रमाणे घर मिळणे.घर म्हणजे पूर्वी ज्याला घर म्हणत
असतं,ते स्वतःचे वेगळे असे घर ही कल्पना शहरात तरी दुर्मिळ आणि महाग झालेली आहे.आता
घर म्हणजे वन, टू किंवा थ्री बीएचके फ्लॅट.त्यात दर काही महिन्यांनी वाढत जाणारा
टी.व्ही.चा आकार,आजकाल एकमेकांच्या घरी सहकुटुंब गप्पा मारायला जाणे वगैरे प्रकार,
दुर्मिळ होत चालला असला,तरी कुणी आलंच तर बसायला म्हणून घेतलेले मोठमोठाले सोफे.कितीही
मोठा फ्लॅट घेतला तरी जागा पुरेशी पडत नाही,ही समस्या. भिंतीतील कपाटे ही कल्पना
देखिल दुर्मिळ होत चालली.आधी कमीतकमी दोन विटांच्या भीती असतं,आता एका विटेची भिंत,त्यामुळे
भिंतीतली कपाटे बघायला मिळतं नाहीत.
आज
काल कुणी पुस्तकं वाचत नाही,अशी ओरड असते.पण वास्तविकता तशी नाही, लोक वाचतात.
जिथे शक्य आहे तिथे लायब्ररी लावून पुस्तके वाचली जातात. तरुण मंडळी ई-बूक वाचतात.आमचा
जो पुस्तक प्रेमी समूह (व्हॉटस् अप ग्रुप) आहे,त्यात सीनियर मंडळी सोबत बरीच तरुण मंडळी
आहेत,जी वाचनात मागे नाहीत ती ई-बूक वाचतात.पण बरेच लोक पूर्वी वाचत असतं,त्यांनी गावात
चांगले वाचनालय नाही किंवा शहरात ते रहातात तिथे वाचनालय नाही, पुस्तकं विकत घेतली
तर ठेवायला जागा नाही,म्हणून वाचन सोडले आहे.अशा सर्व लोकांसाठी हा लेख मी लिहीत
आहे. असे समजा लागेल तर. आजकाल अँन्ड्रॉईड मोबाईल नाही असे फार कमी लोक
आढळतील.त्यामुळे ह्या लोकांनी आता आपली वाचनाची आवड भागविण्यासाठी, ई-बूक वाचणे
सुरु करावे असे मला वाटते.
आजकाल
Amazon च्या Kindle
वर खूप सारी पुस्तके उपलब्ध आहेत
आणि पहिल्या पॅराग्राफमधे सांगितल्याप्रमाणे पुस्तके विकत घेतली तर ठेवायला जागा
नाही,म्हणून वाचणे सोडायचे ही जरूरी नाही. आपल्याला ई-बूक ही खूप छान सोय उपलब्ध
झाली आहे.ई-बूक वाचण्यासाठी काय काय करायला हवे, हे सविस्तर खालील प्रमाणे:-
1 तुमच्याकडे कमीतकमी अँन्ड्रॉईड मोबाईल सेट असायला हवा.
2 तुमच्या अँन्ड्रॉईड मोबाईलवर तुम्हाला प्ले स्टोर वरुन Amazon आणि
Kindle app डाउनलोड करावे लागेल.
3 Kindle
वर prime रीडिंग
बूक आणि ई-बूक उपलब्ध असतात. पण prime
रीडिंग बूक ही ई-बूकच असतात.
4 तुम्हाला Amazon वरुन ई-बूक विकत घेण्याची गरज नाही. त्यासाठी
तुम्हाला Kindle Unlimited चे सब्स्क्रिप्शन विकत घ्यावे लागते. ह्याचे शुल्क
असते,1 महिन्यासाठी रु.199/- 6 महिन्यासाठी रु.999/- आणि 12 महिन्यासाठी रु.1799/-.
पण हे शुल्क भरले की, तुम्हाला Amazon वर फ्री मधे ई-पुस्तक विकत घेता येते. एकदा हे Kindle Unlimited चे सब्स्क्रिप्शन विकत घेतले की तुम्हाला तुमच्या
सब्स्क्रिप्शन चा कालावधी संपेपर्यन्त जास्तीतजास्त इतकीच ई-पुस्तके ववाचता
येतील,असे बंधन नाही.अगदी रु. 100/- चे एक अशी 18 ई-पुस्तके वर्षभरात वाचून झाली
की पैसे वसूल आणि त्यावरील वाचलेली ई-पुस्तके हा बोनस.मी गेल्या वर्षभरात 22 ई-पुस्तके
वाचली.भाषेचे बंधन नाही. तुम्ही कुठल्याही,तुम्हाला येत असलेल्या भाषेतील ई-पुस्तक
वाचू शकता. वर्षभरचे सब्स्क्रिप्शन फायदेशीर कारण त्यात रु.600/-चा डिस्काऊंट
मिळतो.
5 ज्याना पुस्तक
वाचायची जास्त आवड आहे, त्यांच्यासाठी Amazon वर Kindle टॅब्लेट
सुद्धा उपलब्ध आहे. त्याचा आकार मोठा असतो. जास्त कम्फर्टने वाचता येते.त्याची
किंमत रु.9000/- पासून पुढे आहे.ज्यांना परवडत असेल ते असे देखिल करू शकता. मी
मोबाईलवर वाचतो.पण हा देखिल एक पर्याय आहे.
6 चला तर मग, नवे वर्ष जवळ येत आहे.नव्या वर्षाचा नवीन
संकल्प करा.ह्यापुढे मी ई-बूक वाचायला सुरुवात करेन. मी प्ले स्टोर वरुन Amazon आणि
Kindle app डाउनलोड करेन. Kindle Unlimited चे
सब्स्क्रिप्शन विकत घेईन.
लागेल तर सुरुवातीला एक महिन्याचे सब्स्क्रिप्शन घेऊन बघा. एक रु.200/- चे ई-पुस्तक घेऊन वाचायला सुरुवात करा.
आजचा ब्लाॅग तुम्हाला कसा वाटला हे कमेंट बाॅक्समधे लिहा. पुन्हा भेटूया एका नव्या ब्लाॅग मधे.तोपर्यंत स्वतःची काळजी घ्या. मस्त रहा, स्वस्थ रहा, आनंदी जगा.
प्रसाद नातु, पुणे.
Comments
Post a Comment