ब्लाॅग नं.2026/126. दिनांकः 6 मे, 2026 . मित्रांनो , 50 पेक्षा जास्त वय असणाऱ्या व्यक्तींसाठी , उन्हाळा शारीरिकदृष्ट्या थोडा आव्हानात्मक असू शकतो. कारण वाढत्या वयानुसार , शरीराची तापमान नियंत्रित करण्याची क्षमता कमी होते.अशा वेळी आरोग्याची विशेष काळजी घेणे गरजेचे आहे.त्यासाठी काय उपाय करायचे , हे आपण सविस्तर जाणून घेऊ या. सविस्तरः काही महत्त्वाचे उपाय खालील प्रमाणे आहे: 1. खाण्यापिण्याच्या सवयीः नियमित पाणी पिणे: तहान लागली नसली तरीही,दिवसातून किमान 8-10 ग्लास पाणी प्या.वृद्ध व्यक्तींमध्ये तहान लागण्याची जाणीव कमी होते , त्यामुळे पाण्याची बाटली सोबत ठेवा. ताक आणि शहाळे: ताजे ताक , शहाळ्याचे पाणी आणि कोकम सरबत यांसारखी नैसर्गिक पेये शरीराला थंड ठेवतात. प्रथिने आणि हलका आहार: पचायला जड असलेले अन्न (उदा. तळलेले पदार्थ) टाळा. वरण-भात , मुगाची खिचडी , नाचणीचे सत्व यांसारखे हलके आणि पौष्टिक पदार्थ घ्या. 2. ऊन आणि उष्णतेपासून संरक्षण: वेळेचे नियोजन: दुपारी 12 ते 4 या वेळेत बाहेर पडणे टाळा. जर काही महत्त्वाचे काम असेलच , तर सकाळी लवकर किंवा सायंकाळी उशिरा पूर्ण करा. पेहराव: सैल , फ...
मित्रांनो
आज एका वेगळ्या विषयावर मी हा ब्लॉग लिहीत आहे. माझी आज पर्यन्त एकूण 8 पुस्तके प्रकाशित झाली. सहा कथासंग्रह आणि दोन कादंबऱ्या. दृश्य-अदृश्य, सुनयना, होस्ट इज घोस्ट, चित्र आणि चेहरा, कथास्टक आणि मिली हे सहा कथासंग्रह आणि राणी तेजस्विनी व सहप्रवासी ह्या दोन कादंबऱ्या. त्या निमित्ताने पुस्तके आणि पुरस्कार ह्यांचा खूप जवळून संबंध आला आणि पुस्तकांना मिळणारे पुरस्कार किती अनमोल (?) असतात, ते पहिल्यांदाच कळून आले. ज्ञानपीठ पुरस्कार, साहित्य अकादमी पुरस्कार, युवा पुरस्कार, सरस्वती सन्मान, क्रॉसवर्ड बुक्स अवॉर्ड इत्यादि सारखे सन्माननीय अपवाद वगळूया.
मी एकदा
फेसबूक पहात बसलो होतो.वाचनात आले,“इंटरनॅशनल अवॉर्ड फॉर सेल्फ पब्लिशिंग ऑथर्स”,
आपले नामांकन आताच सादर (submit) करा. मी त्यात दिलेला फॉर्म भरायला सुरुवात केली.नावं,गावं,
मोबाईल नंबर,ईमेल आयडी,मग ज्या पुस्तकासाठी नामांकन सादर करावयाच आहे त्याचे नावं
इत्यादि भरून झाले. ते सबमिट केले. मग पुढे जे पेज आले ते पाहून मला आश्चर्याचा
धक्का बसला. पेमेंट डिटेल्स मधे मला डेबिट किंवा क्रेडिट कार्डचे डिटेल्स टाकून
$110 चे पेमेंट करायचे होते आणि माझ्या पुसकाची पीडीएफ अपलोड करावयाची होती. म्हणजे
थोडक्यात आजच्या तारखेत आजच्या युएसडी च्या रेट प्रमाणे रु.9100/- दिल्यावर मला
माझ्या पुस्तकासाठी “इंटरनॅशनल अवॉर्ड फॉर सेल्फ पब्लिशिंग ऑथर” मिळाले असते.
म्हणजे त्यासाठी पात्रता काय तर रु.9100/- देऊन तो पुरस्कार मी विकत घ्यायचा.
मग गुगलवर
अधिक सर्च केल्यावर कमी अधिक प्रमाणात आजकाल पुरस्कार मिळविण्याची हीच पद्धत
आहे,हे लक्षांत आले.ह्यासाठी एखाद्या मंडळाला शोधायचे,त्या मंडळाला किंवा संस्थेस
देणगी द्यायची.त्यातून ते तुम्हाला पुरस्कार देणार.तुमच्या जवळ जेवढे पैसे अधिक
तेवढे तुमच्या पुस्तकांना पुरस्कार अधिक, असे समीकरण आहे. अन्यथा जी पुस्तके
बाजारात येऊन 1-2 महिने झाले नाहीत आणि ती वाचकांना माहिती झाली नाहीत अशा
पुस्तकांना पुरस्कार कसे मिळतात,ह्याचे मला जे कोडे पडले होते, त्याचे उत्तर मला
फेसबुक मुळे मिळाले.
“इंटरनॅशनल
अवॉर्ड फॉर सेल्फ पब्लिशिंग ऑथर” साठी जे कुणी सेल्फ पब्लिशिंग ऑथर (लेखक) इच्छुक
असतील ते माझ्याशी कमेन्ट बॉक्स मधे आपला ईमेल आयडी देऊन त्या संबंधीचे डिटेल्स
मिळवू शकता.मला अशा पुरस्कार विकत घेण्यात रस नसल्याने मी अजून पावेतो असा प्रयत्न
केला नाही.पण प्रत्यक्ष संपर्क करून त्या बद्दल अधिक माहिती मला जाणून घ्यायला
आवडेल,म्हणून मी एका साइटला जाऊन पूर्ण
माहिती घेतली.वर लिहिल्या प्रमाणे सारे काही सबमिट केले, मॅन्युस्क्रिप्ट आणि कवर
पेज अपलोड केले,शेवटी पेमेंट करायचे होते, $ 230, तिथून मी परत फिरलो.
तुमच्या
प्रतिक्रिया ह्या ब्लॉगच्या कमेन्ट बॉक्स मधे पोस्ट करा. ज्यांना पुरस्कार
मिळविण्यात रस असेल त्यांनी कमेन्ट बॉक्स मधे आपला ईमेल आयडी द्यावा.पैसे भरल्यावर
पुरस्कार मिळायला हवा. मी अजून खात्री करून घेतलेली नाही. त्यामुळे आपण स्वतःच्या
जबाबदारीवर ही जोखीम उचलावी हे येथे नमूद करू इच्छितो.
माहिती सौजन्य :-@google,com प्रसाद नातु,पुणे
खुप छान ब्लॉग पोस्ट
ReplyDelete