राजेश रोशन -कर्णमधुर गीतांचा संगीत दिग्दर्शक

 Blog No. 2023/129  

Date: 23^rd, May 2023.

मित्रांनो,

             “छु कर मेरे मन को किया तूने क्या इशारा’ स्व. किशोरकुमार यांनी गायिलेले हे सुंदर गीत तुम्हाला आठवत असेल.या सुंदर गीताला तेवढीच सुंदर चाल संगीतकार देणारे राजेश रोशन यांचा जन्म दिवस त्यांचे अभिष्टचिंतन करणारा हा आजचा ब्लॉग.

 

प्रास्ताविक

               राजेश रोशन लाल नगरठ यांचा जन्म 24 मे 1955 चा.हिन्दी चित्रपटसृष्टीतील प्रसिद्ध संगीत दिग्दर्शक रोशन आणि गायिका इरा रोशन यांचे पुत्र. राजेश यांचे वडील पंजाबी आणि आई बंगाली. राजेश यांना दोन मुले आहेत. ईशान रोशन हा मुलगा आणि पश्मिना रोशन. राजेश रोशन हे प्रसिद्ध अभिनेता, निर्माता आणि दिग्दर्शक राकेश रोशन यांचे बंधु आणि अभिनेता हृतिक रोशनचे काका.                           

 कारकीर्द

            राजेश रोशन यांना सर्वात पहिल्यांदा संधी दिली ती अभिनेता महमूद याने.मेहमूदचा कुंवारा बाप हा राजेश रोशनचा संगीत असलेला पहिला चित्रपट 1974 ला आला होता. यातलं “सज रही गली मेरी मा सूनहरे गोटेमे” हे महंमद रफी यांनी गायिलेले गीत खूप लोकप्रिय झाले होते. याच चित्रपटातलं किशोरकुमारने गायिलेले “मै हूं घोडा ये है गाडी मेरी रिक्शा सबसे निराली” हे गाणे देखील खूप गाजले. त्यानंतर आला तो ‘जुली’ हा चित्रपट. विक्रम आणि लक्ष्मी ही नवी जोडी असलेला चित्रपट खूप गाजला आणि यातील गाणी देखील.”भूल गया सब कुछ याद नाही अब कुछ” हे किशोर-लता चे युगल गीत, किशोरकुमारचे “दिल क्या करे जब किसी को किसी से प्यार हो जाये” ही गाणी खूप गाजली.‘जुली’ साठी राजेश रोशन यांना सर्वोत्कृष्ट संगीत दिग्दर्शकाचा फिल्म फेअर पुरस्कार मिळाला.

            यानंतर देव आनंद यांचे सलग तीन चित्रपट आले. देस परदेस, मन पसंद आणि लूटमार. देस परदेस मधील “नजराना भेजा किसी ने प्यार का” किशोरकुमारनी गायिलेले गाणे खूप गाजले.तसेच “जैसा देस वैसा भेस फिर का डरना” हे किशोर-लता युगल गीत खूप गाजले. लूटमार मधील आशा भोसले यांचे “जब चाहे मेरा जादू कोई बच ना पाय” या गीताने तर अक्षरशः धूम केली. मामा भांजा, दूसरा आदमी, मुकद्दर, स्वामी, प्रियतमा, यही है जिंदगी, एक ही रास्ता, स्वर्ग नरक, इंकार, खट्टा मीठा, बातों बातों में, दो और दो पांच,याराना यांसारख्या चित्रपटांना संगीत दिले. कामचोर, हमारी बहू अलका, जाग उठा इंसान, भगवान दादा, घर संसार यानंतर राजेश खन्ना यांच्यासोबत जनता हवालदार, निशान, बाबू आणि आखिर क्यों हे चित्रपट केले.

त्यांची लोकप्रिय गाणी

            त्यांच्या लोकप्रिय गीतांची खरं तरं एक मोठी यादी होईल. मलाच इतकी गाणी माहिती आहेत की अगदी गूगलची मदत न घेता सुद्धा करता येईल.

 

1.      “स्वामी”  यादो मे वो सपनो मे है जाये कहा- किशोरकुमार  

2.     “स्वामी”  का करू सजनी आये ना बालम-येसुदास

3.      “स्वामी” पल भर मे ये क्या हो गया- लता मंगेशकर

4.     “प्रियतमा” कोई रोको ना दिवाने को मन मचल रहा-किशोरकुमार

5.      “इंकार” मुंगडा मुंगडा मै मुडके चली-उषा मंगेशकर

6.     “खट्टा मीठा” थोडा है थोडे की जरूरत है-किशोरकुमार लता मंगेशकर  

7.     “खट्टा मीठा” ये जीना है अंगूर का दाना- किशोरकुमार-उषा मंगेशकर

8.      “याराना” तेरे जैसा यार कहा, कहा ऐसा याराना-किशोरकुमार

9.      “याराना”  “छु कर मेरे मन को किया तूने क्या इशारा’ किशोरकुमार

10.    “याराना” भोले ओ भोले तू रुठा दिल टुटा-किशोरकुमार

11.    “काम चोर” तुझ संग प्रीत लगायी सजना-किशोरकुमार-लता मंगेशकर

12.   “मि.नटवरलाल” परदेसिया ये सच है पिया-लता मंगेशकर-किशोरकुमार

13.   “बातो बातोमे” सुनिये कहिये कहिये सुनिये-आशा भोसले-किशोरकुमार

14.   “कहो ना प्यार है” दिल ने दिल को पुकारा-बाबूल सुप्रियो आणि कोरास

 

समारोप

 अशा या सुमधुर आणि कर्णप्रिय संगीतकार राजेश रोशन यांना त्यांच्या 59 व्या वाढदिवसाबद्दल मनापासून शुभेच्छा आणि त्यांच्या कडून अशीच संगीत सेवा घडत राहो शुभेच्छा. तुम्हाला आजचा ब्लॉग कसा वाटला ते कमेन्ट बॉक्स मध्ये जरूर लिहा. पुढचा ब्लॉग येईपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

 प्रसाद नातु,पुणे.