मधुमेह हात पाय पसरवतोय

Blog No 2024/225.

दिनांक:24,सप्टेंबर, 2024 

मित्रांनो,

            मागील वर्षी 321 आणि यावर्षी 225 ब्लॉग्ज मी लिहिले.पण एक विषय असा आहे की मी त्या विषयावर तीन ते चार वेळा ब्लॉग लिहिला आणि आज पुनः 5 व्या वेळेस लिहितो आहे,कारण तो तुमच्या सगळ्यांच्या आरोग्याचा आणि जिव्हाळ्याचा विषय आहे.मी रोज ब्लॉग लिहिण्यासाठी काही पोस्ट म्हणा काही चॅनल चाळत असतो,त्या सर्वात देखिल मधुमेह या विषयावर जास्तीतजास्त पोस्ट असतात,याला कारण मधुमेहाचे वाढते प्रमाण आणि लोकांचे स्वतःच्या आरोग्याकडे लक्ष न देणे कारणीभूत आहे. आज पुनः मधुमेह या विषयावर ब्लॉग लिहीत आहे.

सविस्तर:

            इतक्यात माझ्या संबंधातील दोघांनी मधुमेह झाला आहे कां ते तपासण्यासाठीची,HBA1c ही शरीरातील तिमाही सरासरी शुगरची तपासणी करणारी टेस्ट केली. आणि हे प्रमाण 7 च्यावर म्हणजे मधुमेह झाला आहे हे दर्शविणारे होते.पण त्यांची Fasting म्हणजे सकाळी उठल्याबरोबर घेतलेली शुगर आणि जेवणानंतर 2 तासांनी घेतलेली शुगर नॉर्मल होती. म्हणून ते HBA1c कडे दुर्लक्ष करून मला मधुमेह नाही असे घोषित करते झाले. अपोलो लॅबोरटरीजच्या HBA1c टेस्टिंग प्रमाणे मधुमेहाची पातळी आणि त्यावरचा अभिप्राय असा आहे.

 वेगवेगळ्या लॅबोरटरीजच्या नुसार आंकडे थोडे इकडे तिकडे असू शकतात.  

1.       HBA1c 5.7 च्या खाली मधुमेह नाही.

2.       HBA1c 5.7 ते 6.4 मधुमेह पूर्व (म्हणजे होऊ शकतो)

3.       HBA1c 6.5 आणि त्याच्यावर म्हणजे मधुमेही

मधुमेहीसाठी  

4.       HBA1c 6 ते 7 म्हणजे Excellent Control

5.       HBA1c 7 ते 8 Fair to Good Control

6.       HBA1c 8 ते 10 Unsatisfactory Control

7.       HBA1c 10 च्या पुढे Poor Control

            याचा अर्थ हाच आहे की ज्याची शुगर लेव्हल 5.7 च्या खाली आहे, तो मधुमेही नाही,तो सामान्य म्हणता येईल. यातील नंबर 4 ते 7 जे मधुमेही आहेत आणि जे गोळ्या आणि/किंवा इंसुलिन घेतात. त्यानंतरची त्यांची तीन महिन्यांची सरासरी शुगर लेव्हल आहे.ते नंबर जे मधुमेही नाही त्यांच्यासाठी लागू नाही.

            हे सगळे द्यायचे कारण हे की भारतात जेवढे निदान झालेले मधुमेही आहेत, त्यापेक्षा हा आंकडा किती तरी जास्त असू शकतो असे वारंवार माझ्या वाचनात आले आहे.आजकाल मधुमेह होण्यासाठी अमुक वय झालं तर होऊ शकतो असं राहिलेले नाही. म्हणून खाली दिलेली लक्षणे तुमच्यात आढळून येत आहेत कां बघा. कारण मधुमेह हा सायलंट किलर आहे,त्यावर नियंत्रण ठेवले नाही तर तो एक एक अवयव निकामी करत जातो. डायबिटीजची (मधुमेह) लक्षणे दोन प्रमुख प्रकारांमध्ये विभागली जातात: टाइप 1 डायबिटीज आणि टाइप 2 डायबिटीज, आणि त्यातील लक्षणे काही प्रमाणात वेगवेगळी असू शकतात. दोन्ही प्रकारात रक्तातील साखर (ब्लड शुगर) वाढते, ज्यामुळे खालील सामान्य लक्षणे आढळतात:

 सामान्य लक्षणे (दोन्ही प्रकारांसाठी):

1. खूप तहान लागणे (Polydipsia) - वारंवार तहान लागणे, जरी भरपूर पाणी प्यायलं तरी.

2. वारंवार लघवीला जाणे (Polyuria) - रात्रीसह वारंवार लघवीला लागणे.

3. भूक वाढणे (Polyphagia) - जास्त भूक लागणे.

4. अतिशय थकवा (Fatigue) - खूपच थकल्यासारखं वाटणे, ऊर्जेची कमतरता.

5. वजन कमी होणे - कारणाशिवाय वजन घटणे, विशेषत: टाइप 1 डायबिटीजमध्ये.

6. अंधुक दृष्टि (Blurred Vision) - डोळ्यांवर परिणाम होऊन दृष्टी अस्पष्ट होणे.

7. हळू भरून येणाऱ्या जखमा - त्वचेवरील जखमा, चिरा किंवा संसर्ग हळू भरून येणे.

8. वारंवार संसर्ग होणे - मूत्रपिंडाचे किंवा त्वचेचे संसर्ग वारंवार होणे.

टाइप 1 डायबिटीजचे लक्षणे:

- लहान वयात किंवा तरुणांमध्ये सामान्यतः आढळतात.

- लक्षणे अचानक सुरू होतात.

- वजन अचानक आणि जास्त प्रमाणात कमी होऊ शकते.  

टाइप 2 डायबिटीजचे लक्षणे:

- सामान्यतः प्रौढांमध्ये किंवा वृद्धांमध्ये आढळतात.

- लक्षणे हळूहळू विकसित होतात.

- वजन कमी होण्याऐवजी वजन वाढलेले किंवा स्थिर राहते.

लक्षणांमध्ये विशेष:

- टाइप 2 डायबिटीजमध्ये काहींना प्रारंभिक लक्षणे दिसत नाहीत, म्हणून हा आजार हळूहळू आणि अनियंत्रितपणे वाढतो.

समारोप:

            यापैकी कुठलीही लक्षणं आढळल्यास डॉक्टरांशी संपर्क करा.कारण वेळीच इलाज केलात तर मधुमेह नियंत्रण (औषधे आणि आहाराचे योग्य नियोजन करून ) शक्य होऊ शकते.त्याला जास्त वाढू देऊ नका.अन्यथा दृष्टी दोष, किडनीचे आजार,उच्च रक्तदाब आदि रोग उद्भवू शकतात. तेव्हा वेळीच काळजी घ्या, काळजी करू नका.टाइप 1 हा आनुवंशिक असू शकतो आणि टाइप 2 हा ताण,तणाव,काळजी इत्यादि मुळे होतो.

            तुम्हाला आजचा ब्लॉग कसा वाटला ते कमेन्ट बॉक्स मध्ये जरूर लिहा. पुढचा ब्लॉग येईपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

प्रसाद नातु, पुणे