Skip to main content

मूत्रपिंडाचे शुद्धीकरण गरजेचे.

ब्लॉग नं.2025/152 दिनांक: 2 मे, 2025. मित्रांनो, डिटॉक्सिफिकेशन म्हणजे मूत्रपिंड पूर्णपणे शुद्ध करणे नाही,तर शरीर स्वच्छ करण्याच्या त्यांच्या नैसर्गिक क्षमतेला सहाय्य करणे. डिटॉक्सिफिकेशन करण्यासाठी कुठल्या पाच पदार्थांचे सेवन करावे आणि डिटॉक्सिफिकेशन कां जरूरी आहे,हे आजच्या ब्लॉगमध्ये आपण पहाणार आहोत.       सविस्तर: मूत्रपिंडांना विषमुक्त करण्याच्या गुणधर्मांसाठी ओळखले जाणारे पाच पदार्थ खाली दिले आहेत: 1 . क्रॅनबेरी : क्रॅनबेरीमध्ये भरपूर प्रमाणात अँटीऑक्सिडंट्स असतात आणि त्यात अशी संयुगे आहेत जी मूत्रमार्गाच्या अस्तरांना बॅक्टेरिया चिकटण्यापासून रोखतात.यामुळे मूत्रमार्गाच्या संसर्गाचा (यूटीआय) धोका कमी होण्यास मदत होते , ज्यामुळे मूत्रपिंडांवर ताण येऊ शकतो. कसे सेवन करावे , ताजे क्रॅनबेरी किंवा गोड न केलेले क्रॅनबेरी रस विषमुक्तीसाठी सर्वोत्तम आहेत. 2 . लाल शिमला मिरची : शिमला मिरचीमध्ये पोटॅशियम कमी परंतु, जीवनसत्त्वे अ , क आणि बी 6 जास्त असतात.लाल शिमला मिरची मूत्रपिंडाचा ताण कमी करण्यास मदत करते.त्यात लाइकोपीन देखील असते , जे मूत्रपिंडाच्या आरोग्यास ...
Post a Comment

ICMR म्हणते वजन पटकन कमी करू नका

Blog No. 2024/ 105.  

Date: 24th,May 2024

मित्रांनो,

            आज काल लोकांना वजन वाढण्याच्या चिंतेने ग्रासले आहे.वजनाचे देखिल नेमके असे असते की ते केव्हा वाढते कळतं नाही,किंवा त्याचा वाढण्याचा वेग अधिक असतो. मात्र वजन कमी करण्यास खूप मेहनत घ्यावी लागते.अन लोकांना वजन कमी करण्याची खूप घाई लागलेली असते. अगदी “पी हळद अन हो गोरी” असं वजन व्यायाम/वर्कआउट/स्विमिंग करून पटकन कमी व्हावे अशी अपेक्षा असते.पण इतक्यात The Indian Council of Medical Research (ICMR) वजन कमी करणाऱ्यांसाठी मार्गदर्शक तत्वे जारी केली आहेत.आजचा ब्लॉग याच विषयावर.

सविस्तर:

        The Indian Council of Medical Research (ICMR) ने नुकत्याच जारी केलेल्या मार्गदर्शक तत्त्वांच्या सेटमध्ये वजन कमी करणाऱ्यांना संतुलित आहाराची शिफारस केली आहे आणि त्यांना वेगाने वजन कमी करू नये किंवा लठ्ठपणाविरोधी औषधे न घेण्यास सांगितले आहे.ओटीपोटाचा लठ्ठपणा, जादा वजन आणि एकूणच लठ्ठपणा टाळण्यासाठी आरोग्यदायी जीवनशैलीचा अवलंब करा असे या मार्गदर्शक तत्त्वात सांगितले आहे.

        ICMR मार्गदर्शक तत्वामध्ये जीवनशैलीशी संबंधित आजार टाळण्यासाठी,एकूण लठ्ठपणा आणि पोटाच्या लठ्ठपणाची शक्यता कमी करण्याच्या धोरणांवर चर्चा केली आहे.आशियाई कट ऑफनुसार 23 ते 27.5 किलो पर्यंतचा बीएमआय अर्थात बॉडी मास इंडेक्स म्हणजे जास्त वजन म्हणून परिभाषित केले आहे. 30% शहरी आणि 16% ग्रामीण प्रौढांचे वजन जास्त आहे. “वजन कमी करणे योग्य आहे पण वजन कमी करणारा आहार 1000 kcal/day पेक्षा कमी नसावा आणि सर्व पोषक तत्वे पुरवली पाहिजेत.दर आठवड्याला अर्धा किलो वजन कमी करणे सुरक्षित मानले जाते.जलद वजन कमी करण्याच्या पद्धती आणि लठ्ठपणाविरोधी औषधांचा वापर टाळला पाहिजे,” असे ICMR मार्गदर्शक तत्त्वे सांगतात.

      ICMR पुढे सुचवते की निरोगी वजन आणि कंबरेचा घेर राखण्यासाठी,आहारात ताज्या भाज्या, संपूर्ण धान्य, कडधान्ये आणि सोयाबीनचा समावेश करा.साखर, प्रक्रिया केलेली उत्पादने आणि फळांचे रस हे पदार्थ टाळले पाहिजेत.नियमित शारीरिक क्रियाकलाप आणि योगासने वजन कमी करण्याचा आणि चांगले आरोग्य राखण्याचा एक चांगला मार्ग असू शकतो.

ICMR नुसार वजन कमी करण्यासाठी आरोग्यदायी पर्याय निवडण्यासाठी येथे टिपा आहेत

1.       पुरेशा भाज्यांसोबत संतुलित जेवणाचे नियोजन करा: उच्च फायबर आणि पोषक तत्वांसहित जेवण जास्त प्रमाणात खाण्याची इच्छा कमी करेल आणि अतिरिक्त कॅलरीजची गरज कमी करेल.

2.       भाज्यांची अधिक मदत घ्या: कॅलरी कमी आणि जीवनसत्त्वे, खनिजे आणि फायबर जास्त असे भोजन   वजन कमी करण्यास मदत करतील.

3.       स्नॅक स्मार्ट: मूठभर काजू, साधे दही, मसाल्यासह कापलेल्या भाज्या यासारखे पोषक-दाट पर्याय निवडा.

4.       पातळ मांस निवडा: त्वचाविरहित कोंबडी, मांस आणि मासे यांचे पातळ तुकडे, मांसाच्या फॅटी कटांच्या तुलनेत कॅलरी आणि सॅच्युरेटेड फॅट्स कमी असल्याने आरोग्यदायी असतात.

5.       निरोगी स्वयंपाक पद्धती वापरा: ग्रीलिंग, बेकिंग, वाफाळणे किंवा सॉटींगसाठी तळण्याच्या तुलनेत कमी तेल लागते. यामुळे तुमच्या जेवणाची ऊर्जा घनता कमी होते.

6.       साखरयुक्त पेये मर्यादित करा: सोडा आणि फळांचे रस यांसारखी साखरयुक्त पेये कमी करा.पाणी, हर्बल चहा किंवा गोड नसलेली पेये उत्तम.

7.       अन्नाची लेबले वाचा: कॅलरी, संतृप्त चरबी, जोडलेली साखर आणि सोडियम याविषयी माहितीसाठी पॅकेट वरील लेबल चेक करा.आरोग्यदायी घटक असलेले पदार्थ निवडा.

समारोप:

वजन कमी करण्याची प्रक्रिया सुरू करण्याआधी आपल्याला हे माहित असायला हवे की आपले वजन कमी आहे, सामान्य आहे, जास्त आहे की अति जास्त म्हणजे आपण लठ्ठ आहोत.यासाठी बॉडी मास इंडेक्सच्या सूत्रात आपले वजन आणि आपली ऊंची भरून ते परिकलीत calculate करता येते. बॉडी मास इंडेक्स = तुमची ऊंची (सेंटीमिटर मधे) / तुमचे वजन (किलोग्राम मधे) उदाहरणार्थ एखाद्याची ऊंची 170 सेंटीमिटर आहे आणि वजन 75 किलोग्राम आहे तर BMI= 170/75 तर BMI 26. आता BMI चांगला वाईट ठरविण्यासाठी खालील तक्ता बघा.          

1.       कमी वजन = <18.5

2.       सामान्य वजन = 18.5–24.9

3.       जादा वजन = २५–२९.९

4.       लठ्ठपणा = BMI 30 किंवा त्याहून अधिक

        याप्रमाणे आपले वजन तपासून पहा आणि  तुम्ही 3 ऱ्या किंवा 4 थ्या वर्गात येत असाल तर त्याप्रमाणे वजन कीती कमी करायचे ते ठरवा आणि ऊंची तर कायम राहील.

तुम्हाला आजचा ब्लॉग कसा वाटला ते कमेन्ट बॉक्स मध्ये जरूर लिहा. पुढचा ब्लॉग येईपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

प्रसाद नातु, पुणे.

Labels:

Comments

Post a Comment

Popular posts from this blog

आम्हा न कळे ज्ञान, न कळे पुराण वेदांचे वचन

Blog No. 2023/98          Date: 21st , April 2023 .   मित्रांनो ,                आज अक्षय्यतृतीया आहे. अक्षय्य तृतीया   साडेतीन मुहूर्तापैकी एक शुभमुहूर्त समजला जातो . साडेतीन मुहूर्त असे दिवस असतात की   ज्या दिवशी कुठलेही कार्य करावयाचे असेल तर मुहूर्त पहायची गरज नाही. असे म्हणतात की ह्या तिथीला केलेले दान क्षयाला जात नाही म्हणजेच ते अविनाशी असते, या दिवशी देव आणि पितर यांना उद्देशून जे कर्म केले जाते ते अक्षय होते.हा दिवस पितरांचे ऋण फेडण्याचा आहे असेही म्हणतात.तर आजच्या दिवसाला एक अनन्य साधारण असे महत्व आहे.   प्रास्ताविक                माझा ह्या सऱ्यावर विश्वास नाही असे नाही पण त्या निमित्ताने जो ढोंगीपणा चालतो त्याचा मला मनापासून राग येतो.ज्याच्या स्वतःच्या मनातल्या वासना मरेपर्यंत संपत नाही असा वासनांवर विजय कसा मिळवायचा हे सांगू  लागतो. तेव्हा हसू येतं.जन्मभर पाप करीत फिरणारे चारोधाम यात...
5 comments
Read more

वजन कमी करण्यासाठी काय चांगले-गव्हाची पोळी की ज्वारीची भाकरी

Blog No. 2024/ 1 23 .   Date: 16 th ,June 2024 मित्रांनो,             मराठीत पोळी किंवा इतर प्रदेशात,विशेषतः हिन्दी बेल्टमध्ये ज्याला रोटी म्हणतात. ती पोळी किंवा रोटी आपल्या जेवणातील एक प्रमुख पदार्थ आहे.दक्षिण भारतात हा प्रकार तेवढा प्रचलित नाही.पण रोजच्या जेवणातील हा प्रमुख पदार्थ असल्याने ज्यांना वजन कमी करायचे आहे,त्यांना निश्चितपणे पोळी किंवा रोटी किती खावी आणि खावी तर कुठल्या पिठाची खावी, हा प्रश्न पडतो.अलीकडेच आहारतज्ञ रुचिता बत्रा यांनी आपल्या ईन्स्टाग्रामवर वजन कमी करण्यासाठी कुठले पीठ वापरावे याविषयी मार्गदर्शन केले आहे.त्याच विषयी आजच्या ब्लॉगमध्ये चर्चा करू. सविस्तर:             मराठीत पोळी , किंवा हिन्दीत रोटी , अशी अनेक भारतीय जेवणांमध्ये एक मुख्य पदार्थ असलेली पोळी, बनविण्यासाठी वेगवेगळ्या ठिकाणी वेगवेगळ्या प्रकारचे पीठ वापरले जाते.राजस्थानमध्ये , बाजरे की रोटी (मोती बाजरी) सामान्य आहे , तर पंजाबसारख्या प्रदेशात मैदा आणि इतर पिठापासून बनवलेले न...
7 comments
Read more

प्रयागराजचा महाकुंभ-माझे अनुभव

ब्लॉग नं.2025/043   दिनांक: 12 फेब्रुवारी,2025.   मित्रांनो,             नुकतीच मी प्रयागराज,अयोध्या आणि वाराणसी या तीन, धार्मिक दृष्ट्या अतिशय महत्वपूर्ण अशा स्थळांची यात्रा करून परतलो.यातील अयोध्या आणि वाराणसी या स्थळांची यात्रा आपल्याला केव्हाही करता येते/येईल. पण  प्रयागराज येथे सध्या म्हणजे 13 जानेवारी ते 26 फेब्रुवारी,या 26 दिवसांत महाकुंभ साजरा केला जात आहे. तसा तो दर 12 वर्षानी कुंभमेळा साजरा केला जातो. पण या वर्षीचा कुंभमेळा विशेष आहे. आणि जो 144 वर्षातून एकदाच होत असतो. त्यामुळे त्याला विशेष महत्व आहे. आणि त्रिवेणी संगमावर या 45 दिवसांत जाऊन स्नान करण्याला विशेष महत्व आहे. आजच्या ब्लॉगमध्ये या विषयीच विषयी सारे काही. सविस्तर:             पुराणात असे सांगितले जाते की, देव आणि दैत्य किंवा सुर आणि असुर यांच्यात तुंबळ युद्ध सुरू झाले.या युद्धाच्या दरम्यान समुद्र मंथन करण्यात आले,त्याचा एक हेतु हा होता की,समुद्रात दडलेले अमृत मिळवायचे,ज्याचे प्राशन के...
7 comments
Read more