पेपर बॅक पुस्तकांना पर्याय-ई-बूक

Blog No.2023/320. 

Date: -29^th, December 2023.

मित्रांनो,   

            नुकत्याच पुणे येथे संपन्न झालेल्या पुणे पुस्तक महोत्सवात 12.50 कोटी रुपयांच्या पुस्तकांची विक्री झाली. अशी बातमी कानावर आली.ही बातमी नक्कीच उत्साहवर्धक आहे.एक लेखक म्हणून हे लिहीत नाही तर एक वाचक म्हणून आणि पुस्तक प्रेमी म्हणून देखिल ही बातमी आनंद देणारी आहे. कारण पुस्तके ही ज्ञान देतात,करमणूक करतात,धकाधकीच्या जिवनात सहारा देतात आणि वेगळा विचार करायला लावतात.

          म्हणून पुस्तके वाचली गेली पाहिजेत.आजचा हा ब्लॉग लिहायचे कारण हे की नुकतंच माझ्या वाचनात आलं की इतर देशांमध्ये ई-बूक घेऊन वाचणाऱ्यांचे प्रमाण वाढले आहे.जगभरात 19.10 कोटी ई-पुस्तके विकत घेतली गेली.त्यामानाने मराठी ई-बूक कमी विकत घेतली जातात.खरं तर इतर जगाच्या मनाने आपल्या देशात शहरात भेडसावणारी समस्या म्हणजे मनाप्रमाणे रहायला घर मिळणे.घर म्हणजे पूर्वी ज्याला घर म्हणत असतं,ते स्वतःचे वेगळे असे घर ही कल्पना शहरात तरी दुर्मिळ आणि महाग झालेली आहे.आता घर म्हणजे वन, टू किंवा थ्री बीएचके फ्लॅट.भिंतीतील कपाटे ही कल्पना देखिल दुर्मिळ होत चालली.आधी कमीतकमी दोन विटांच्या भीती असतं,म्हणजे 6 इंची भीत असते,आता एका विटेची भिंत,त्यामुळे भिंतीतली कपाटे बघायला मिळतं नाहीत.

         आज काल कुणी पुस्तकं वाचत नाही,अशी ओरड असते.पण वास्तविकता हे खरे नाही, लोक वाचतात. जिथे शक्य आहे तिथे लायब्ररी लावून पुस्तके वाचली जातात. तरुण मंडळी ई-बूक वाचतात.सीनियर मंडळी सोबत बरीच तरुण मंडळी आहेत ती देखिल ई-बूक वाचतात.गावात आजकाल चांगले वाचनालय मिळतं नाही किंवा शहरात जवळपास वाचनालय नसतं, पुस्तकं विकत घेतली तर ठेवायला जागा नाही,म्हणून वाचन सोडले आहे.अशा सर्व लोकांसाठी हा लेख मी लिहीत आहे.आजकाल अँन्ड्रॉईड मोबाईल नाही असे फार कमी लोक आढळतील.त्यामुळे ह्या लोकांनी आता आपली वाचनाची आवड भागविण्यासाठी, ई-बूक वाचणे सुरु करावे असे मला वाटते.

ई-बूक वाचनासाठी किंडल- Amazon पर्याय   

       आजकाल Amazon च्या Kindle वर खूप सारी पुस्तके उपलब्ध आहेत आणि पहिल्या पॅराग्राफमधे सांगितल्याप्रमाणे पुस्तके विकत घेतली तर ठेवायला जागा नाही,म्हणून ई-बूक ही खूप छान सोय उपलब्ध झाली आहे.ई-बूक वाचण्यासाठी काय काय करायला हवे, हे सविस्तर खालील प्रमाणे:-

1 तुमच्याकडे कमीतकमी अँन्ड्रॉईड मोबाईल सेट असायला हवा.

2 तुमच्या अँन्ड्रॉईड मोबाईलवर तुम्हाला प्ले स्टोर वरुन Amazon आणि Kindle app डाउनलोड करावे लागेल.

3 Kindle वर prime रीडिंग बूक आणि ई-बूक उपलब्ध असतात.Prime रीडिंग बूक ही ई-बूकच असतात.

4 तुम्हाला Amazon वरुन ई-बूक विकत घेण्याची गरज नाही.त्यासाठी तुम्हाला Kindle Unlimited चे सब्स्क्रिप्शन विकत घ्यावे लागते. ह्याचे शुल्क असते,1 महिन्यासाठी रु.199/-, 6 महिन्यासाठी रु.999/- आणि 12 महिन्यासाठी रु.1799/-. पण हे शुल्क भरले की, तुम्हाला Amazon वर फ्री मधे ई-पुस्तक विकत घेता येते आणि वाचता येते.एकदा हे Kindle Unlimited चे सब्स्क्रिप्शन विकत घेतले की तुम्हाला तुमच्या सब्स्क्रिप्शन चा कालावधी संपेपर्यन्त जास्तीतजास्त इतकीच ई-पुस्तके वाचता येतील.अगदी रु. 100/- चे एक अशी 18 ई-पुस्तके वर्षभरात वाचून झाली की पैसे वसूल आणि त्यावरील वाचलेली ई-पुस्तके हा बोनस.मी गेल्या वर्षभरात 22 ई-पुस्तके वाचली.भाषेचे बंधन नाही.तुम्ही कुठल्याही,तुम्हाला येत असलेल्या भाषेतील ई-पुस्तक वाचू शकता. वर्षभरचे सब्स्क्रिप्शन फायदेशीर कारण त्यात रु.600/-चा डिस्काऊंट मिळतो.   

5  ज्याना पुस्तक वाचायची जास्त आवड आहे, त्यांच्यासाठी Amazon वर Kindle टॅब्लेट सुद्धा उपलब्ध आहे. त्याचा आकार मोठा असतो.जास्त कम्फर्टने वाचता येते.त्याची किंमत रु.9000/- पासून पुढे आहे.ज्यांना परवडत असेल ते असे देखिल करू शकता. मी मोबाईलवर वाचतो.पण हा देखिल एक पर्याय आहे.         

6 चला तर मग, नवे वर्ष जवळ येत आहे.नव्या वर्षाचा नवीन संकल्प करा.ह्यापुढे मी ई-बूक वाचायला सुरुवात करेन.मी प्ले स्टोर वरुन Amazon आणि Kindle app डाउनलोड करेन. Kindle Unlimited चे सब्स्क्रिप्शन विकत घेईन. वाटल्यास सुरुवातीला एक महिन्याचे  सब्स्क्रिप्शन घेऊन बघा. एक रु.200/- चे ई-पुस्तक घेऊन वाचायला सुरुवात करा. 

तुम्हाला आजचा ब्लॉग कसा वाटला ते कमेन्ट बॉक्स मध्ये जरूर लिहा. पुढचा ब्लॉग येईपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

 प्रसाद नातु, पुणे.