वाहनांचे फॅन्सी नंबर

 Blog No. 2023/55    

Date:3rd, March 2023.

मित्रांनो,

कुणाला कुठल्याचे आकर्षण वाटेल सांगता येत नाही. वाहनांचे आकर्षण खूप लोकांना असते. ते फक्त एखादी नविन कार किंवा मोटरसायकल with new features येते आहे. ह्याची वाटच पहात असतात आणि अशी  कार किंवा मोटरसायकल लॉंच झाली की लगेच जुनी विकून टाकून नविन घ्यायला मोकळे होतात.काही दिवसांनी ही आवड व्यसनांत बदलून जाते.ते क्वचितच एखादी कार किंवा मोटरसायकल 5000 किमी चालवत असतील. नविन कार किंवा मोटरसायकल with new features असली तरी रस्ते तेच असतात, खड्डे तेच असतात आणि ट्राफिक देखिल तोच सिग्नल न पाळणारा, रॉन्ग साइड ने येणारा, समोर खूप जागा असतांना हळूहळू आपल्या स्पीडने जात लोकांना बोअर करणारा, आलिशान कारचा काच उघडून बाहेर पिचकारी मारणारा,नाही तिथे गाडी पार्क करणारा, रस्त्यात कार मोटरसायकल उभी करून मोबाईल वर बोलणारा,अजून असे किती तरी लिहिता येतील. तात्पर्य हेच की मग कार किंवा मोटरसायकल नविन घेऊन काय फायदा.ह्याचं उत्तर हे जे सर्व काही करतात ना तेच देऊ शकतात. 

वाहनांचे फॅन्सी नंबर

तर ठीक आहे, कार किंवा मोटरसायकल with new features घेतली आणि शहराच्या बाहेर कुठे आउटिंग गेलो तर एक वेगळीच मजा असते हे काय फायदा ह्याचे एक उत्तर मला सुचले. पण माझ्या कार किंवा मोटरसायकलचा रजिस्ट्रेशन नंबर 8645 असला काय किंवा 8888, 5555, 8, 5 77 असला काय,ह्याचा काय फायदा हो. ना कार किंवा मोटरसायकलची स्पीड वाढत ना ती अॅवरेज जास्त देत ना ती विदाउट ड्रायवर चालत काही नाही. तरी देखिल पण पुणेकर म्हणून रोज नवनवीन किस्से ऐकायला मिळतात. आता RTO कडून मिळालेल्या माहिती नुसार असे वाहनांचे फॅन्सी नंबर घेण्यासाठी जे अतिरिक्त शुल्क (FEE) भरावे लागते.तो जो महसूल RTO ने वसूल केला आहे, तो 2021 मध्ये रु.21.45 कोटी होता तो 2022 मध्ये वाढून रु.31.80 कोटी झाला आणि या वर्षी महसुलची रक्कम फक्त जानेवारी 2023 ची रु.4.80 कोटी झाला आहे. (कोटीच्या कोटी उड्डाणे असे मारुती रायाच्या बाबतीत म्हटले जायचे.) 

पुणेकरांना 1,7 किंवा 9 हा नंबर पसंत आहे असे देखिल RTO च्या अधिकाऱ्यांनी सांगितले. एखाद्या विशेष नंबरसाठी जर खूप साऱ्या applications आल्या तर auction करून जो जास्त बोली लावेल त्याला तो नंबर देण्यात येतो. जे पुणेकर महागड्या कार विकत घेतात, ते 1,7,9,77,90,99,9999,990,770,7070,7707 तसेच 9090 आणि 9990 ह्या सारखे नंबर पसंत करतात.

तात्पर्य:-

कार किंवा मोटरसायकल ज्याची त्याची असल्याने तिला कुठला नंबर हवा, हा ज्याचा त्याचा प्रश्न आहे. पसंत अपनी खयाल अपना अपना. पण सरकारच्या RTO विभागाची त्या निमित्ताने ही जी अतिरिक्त कमाई होते आहे आणि ती सरकारच्या खाती जमा होते आहे.जी स्वागतार्ह बाब आहे. 

                                                                                                                                            प्रसाद नातु,पुणे.