अमिताभचे आजारपण आणि मी

आजकाल फारसा मी न्युज चॅनेल पहात नाही. आधी न्यूज चॅनेल यासाठी पहात होतो की रोज जगभरांत ज्या घडामोडी होतात त्या आपल्याला माहित असाव्यात. आपण  अपडेट असावं. पण आजकाल एक तासाच्या अवधीत 40 मिनिटे  जाहिराती आणि उरलेल्या वेळांत बातम्या असतात. त्या देखिल वारंवार त्याच त्या दाखविल्या जातात.  पण रविवारी अचानक ए बी पी माझा बघितले आणि अमिताभ बच्चन यांना कोरोना लागण झाल्याची बातमी ऐकायला मिळाली. पाठोपाठ अभिषेक ,  ऐश्वर्या आणि आराध्याला ही संसर्ग झाल्याची बातमी आली. सोमवारी दिवसभर तिच बातमी फिरवत होते. त्यांत अमिताभ संकटातून आजपर्यंत कसा बाहेर आला. वय 77 आहे. लिव्हर 75% च काम करतयं. त्यांच्या एरियांत कोरोनाचा  किती  प्रभाव आहे. एवढच नाही तर त्या एरियात किती लोक मृत्युमुखी पडलेत. काय चाललंय काही  कळत नाही. माणसं या थराला कशी जाऊ शकतात. दुसर्या दिवशी सोशल मिडीयावर बेगळेच काही . म्हणे नानावटीला उभारी देण्याचा अमिताभचा प्रयत्न आहे. त्यासोबत डबा द्यायला जया जाणार की रेखा आणि असल्या पोस्ट यायला सुरूवात झाली. 

कुठे चाललो आहोत आपण. परिस्थिती किती गंभीर आहे. रोज होणार्या बाधितांचा 10000 चा आकडा 25000 च्या वर पोहोचलाय. म्हणून कपाळाला हात लावून , हतबल होऊन बसायचं अस नाही म्हणत मी. पण विचार करायची पध्दत  बदलायली हवीय. 

अमिताभ बच्चनच्या गत आयुष्यात काय झालंय याचा विचार करायची  गरज नाही वाटत मला. पण सिनीयर सिटीझन झाल्यापासून अमिताभचे आयुष्य जगणं . अतिशय शिस्तबध्द असेच आहे. हे 25 टक्के  लिव्हर वर जगणार्या , पण तरीही एवढं एनर्जीटिक असणार्या ,  क्षय रोगाचा प्रादुर्भाव होऊन गेलेल्या माणसाच्या जीवन शैली वरून सहज लक्षांत येण्यासारखे आहे. एका आलिशान बंगल्यांत वास्तव्य , पैशाला काही कमी नाही. दिवसातून दहा वेळा सॅनिटाईज करता येईल एवढा पैसा आणि मनुष्यबळ. जो व्यक्ती कोरोना पासून बचाव कसा करावा हे लोकांना समजावतो. एवढच नाही तर आरोग्य सेतू मध्ये ज्याचा व्हिडीओ आहे. असा व्यक्ती बेफिकीर पणे वागला असेल, या गोष्टी वर माझा तरी विश्वास नाही. असा व्यक्ति जर कोविडने ग्रस्त होत असेल तर ते निश्चितपणे विचार करण्यासारखे आहे. विचार करायला लावणारे आहे आणि कोरोनाची दाहकता दर्शविणारे आहेत. आपण आपली अधिक काळजी घ्यायला हवी.

हा आपल्या प्रत्येकाच्या जीवन मरणाशी निगडित असा मुद्दा आहे. आपण त्यावर जोक्स करतोय. आपण हसायचं नाही जोक्स् करायचे नाही अस कुठे आहे. फक्त एवढ्या गंभीर मुद्द्यावर  आपण तेवढ्याच गंभीरपणे   प्रतिक्रिया द्यायला हवी. एवढचं म्हणणं आहे. कदाचित सर्वाना नाहीही पटणार. पण हे गृहित धरूनच पोस्ट करतोय.