ब्लॉग नं. 2025/351. दिनांक: 15 डिसेंबर, 2025.    मित्रांनो,  डायबेटीस असलेल्या व्यक्तींना “साखर वाढते” या भीतीइतकीच आणखी एक गंभीर भीती असते,ती म्हणजे हायपोग्लायसेमिया , म्हणजेच रक्तातील साखर अचानक धोकादायकरित्या कमी होणे.ही स्थिती शरीराला ‘तत्काळ आपत्ती’ भासवते आणि योग्य वेळी उपचार न झाल्यास मेंदूवरही गंभीर परिणाम होऊ शकतात.याच विषयावर सविस्तर वाचा आजच्या ब्लॉगमध्ये. सविस्तर: हायपोग्लायसेमिया म्हणजे काय ? सामान्यतः , डायबेटीस असलेल्या रुग्णांमध्ये रक्तातील साखर 70 mg/dl खाली गेली तर आणि डायबेटीस नसलेल्या रुग्णांमध्ये रक्तातील साखर 50 mg/dl खाली गेली तर ही स्थिती हायपोग्लायसेमिया म्हणून ओळखली जाते.मानवी मेंदूला सतत ऊर्जेचा पुरवठा ग्लुकोज मधूनच होतो. त्यामुळे रक्तातील साखर अचानक कमी झाल्यावर मेंदूला “इमर्जन्सी सिच्युएशन” निर्माण झाल्यासारखे वाटते आणि शरीरात अनेक बदल घडतात. ⭐ हायपोग्लायसेमियाची सुरुवातीची लक्षणे: मेंदूला ऊर्जा कमी मिळाल्यावर पुढील लक्षणे दिसू शकतात, गोंधळ , चक्कर , विस्मरण, नकारात्मक विचार , नैराश्य, डबल व्हिजन / ब्लर म्हणजे अंधुक दिसणे, बोलण्यात अडथळा , ...

  ब्लॉग नं. 2025/350. दिनांक: 14 डिसेंबर, 2025.   मित्रांनो,              माझा धाकटा भाऊ मला नेहमी म्हणतो,मी द ररोज सकाळी उपाशी पोटी,कच्च्या लसूणाच्या 2 पाकळ्या नियमितपणे खातो. मी त्याच्याकडे दुर्लक्ष करत असे, तर कधी कधी ही गोष्ट हसण्यावारी नेट असे की, लसूणाच्या 2 पाकळ्या खाऊन काय होणार आहे. पण काल माझ्या वाचनात एक पोस्ट आली. शीर्षक होतं,” द ररोज सकाळी लसूणाच्या 2 पाकळ्या खाल्ल्याने काय होते ? फायदे , तोटे आणि योग्य पद्धत.” मी पोस्ट पूर्ण वाचून काढली आणि खरोखर चक्रावून गेलो,की खरोखर लसूणाच्या 2 पाकळ्याने इतकं काही होऊ शकतं. आता तुमची उत्सुकता कशाला ताणून ठेऊ,वाचा आजच्याच ब्लॉगमध्ये. सविस्तर:          लसूण हा जवळजवळ प्रत्येक भारतीय स्वयंपाकघरात सहज उपलब्ध असलेला , पण आरोग्यासाठी अत्यंत प्रभावी असा घटक आहे. त्याचे बॅक्टेरियाविरोधी , दाहक-विरोधी आणि रोगप्रतिकारक शक्ती वाढवणारे गुणधर्म शतकानुशतके ओळखले गेले आहेत. म्हणूनच अनेक जण लसणाला “नैसर्गिक सुपरफूड” असेही म्हणतात. ब...

  ब्लॉग नं. 2025/349. दिनांक: 13 डिसेंबर, 2025.   मित्रांनो,             जे नेहमी विविध रक्तचाचण्या करीत असतात,त्यांना कल्पना आहे की,त्यांच्या शरीरातून रक्त काढून ते तपासणीसाठी घेऊन जातात, किंवा ज्यांना मधुमेह आहे,त्यांच्याकडे ग्लुकोमिटर असतं,ते बोटाला टोचून रक्त काढतात आणि ते ग्लुकोमिटरला जोडलेल्या स्ट्रिपवर ठेवतात आणि आणि ग्लुकोमिटर त्यांची शुगर लेवल दर्शविते. पण ज्यांना वारंवार बोटाला टोचून घेणे पटत नाही,आवडतं नाही, ते   CGM म्हणजे Continuous Glucose Monitoring System किंवा सतत ग्लुकोज मॉनिटरिंग वापरतात.पण या CGM ने जो हैदोस अमेरिकेत आणि जगात घातला आहे. त्यापेक्षा बोटाला टोचून घेणे बरे असे म्हणायची वेळ,अमेरिकेत ज्यांनी हे CGM लावून घेतले आहे,त्यांच्यावर आली आहे. आजचा ब्लॉग आहे,याच विषयावर. सविस्तर:             अमेरिकेत नेमके काय झाले हे सांगायच्या आधी,आपण CGM म्हणजे काय आणि ते नेमके काय काम करते ते जाणून घेऊ. 📟 सतत ग्लुकोज मॉनिटरिंग ( CGM) म्हणज...

ब्लॉग नं: 2025/348. दिनांक: 12 डिसेंबर, 2025. मित्रांनो, आपल्या शरीरात दररोज लाखो सूक्ष्मजीव येतात—काही चांगले , तर काही हानिकारक. याच सूक्ष्मजीवांपैकी बॅक्टेरिया हे एक मोठे गट आहेत. सर्व बॅक्टेरिया वाईट नसतात ; पोटातील चांगले बॅक्टेरिया पचन सुधारतात , त्वचा आणि रोगप्रतिकारक शक्ती मजबूत ठेवतात. परंतु जेव्हा हानिकारक बॅक्टेरिया शरीरात प्रवेश करून वाढू लागतात , तेव्हा त्यातून होणाऱ्या आजाराला बॅक्टेरियल इन्फेक्शन ( Bacterial Infection) असे म्हणतात. आजचा ब्लॉग आहे या विषयावर. सविस्तर: 🦠   बॅक्टेरियल इन्फेक्शन म्हणजे काय ? मानवी शरीरात रोगकारक (पॅथोजेनिक) बॅक्टेरिया घुसल्यावर ते पेशींना संक्रमित करून दाह (इंफ्लेमेशन) , ताप , वेदना आणि विविध अवयवांमध्ये समस्या निर्माण करतात. उदाहरणे: 1. न्यूमोनिया , 2. टायफॉईड , 3. क्षय ( TB), 4. मूत्रमार्गातील संसर्ग ( UTI), 5. त्वचेचे इन्फेक्शन , 6. सायनुसायटिस , 7. फूड पॉइझनिंग. 🧬   बॅक्टेरियल इन्फेक्शनची कारणे: ✔️ 1.  दूषित अन्न आणि पाणी: सॅल्मोनेला , इ. कोलाई सारखे बॅक्टेरिया अन्नातून शरीरात जातात. ✔️ 2.  हवेद्वारे सं...

ब्लॉग नं :2025/347   . दिनांक :11  डिसेंबर, 2025. मित्रांनो, पार्किन्सन्स रोगाबद्दल आपण आजवर जे जाणत होतो , ते आता बदलतं आहे.कारण ऑस्ट्रेलियातील न्यूरोसायन्स रिसर्च ऑस्ट्रेलिया ( NeuRA), युनिव्हर्सिटी ऑफ न्यू साउथ वेल्स ( UNSW) आणि युनिव्हर्सिटी ऑफ सिडनी यांच्या संशोधनात मेंदूच्या ज्या बाजूवर कधीच प्रकाश पडला नव्हता , त्या बाजूची एक महत्त्वपूर्ण सत्ये समोर आली आहेत. यावर आहे आजचा ब्लॉग. सविस्तर: पार्किन्सन्स म्हणजे फक्त ‘प्रोटीन डेपोझिट्स’ नाही. आजपर्यंत पार्किन्सन्स म्हणजे मेंदूत अल्फा-सिन्यूक्लिन नावाच्या प्रोटीनचे थर जमा होणे , अशा स्वरूपातच आपण समजत आलो होतो. या प्रोटीनचे साचणे आणि त्यातून होणारी न्यूरॉन्सची हानी , हा रोगाचा मुख्य भाग मानला जायचा.परंतु या नव्या संशोधनाने दाखवून दिले की पार्किन्सन्सचा परिणाम फक्त मेंदूच्या पेशींवरच होत नाही ; तर मेंदूतील रक्तवाहिन्या , ' सेरेब्रोव्हॅस्क्युलर सिस्टम ' यांच्यावरही गंभीर परिणाम होतो. संशोधक डॉ. डीक ( Dik) यांच्या शब्दांत ,  “ आजवर आपण फक्त प्रोटीन जमा होणे व पेशींचे नुकसान यावर लक्ष केंद्रित केले. पण आम्ही...

ब्लॉग नं: 2025/346. दिनांक: 10 डिसेंबर,2025. मित्रांनो, आज काल तरुणांच्या आरोग्य समस्या खूप वाढल्यात. 27 वर्षांच्या युवकाला “साधा डोकेदुखी” वाटलेला त्रास निघाला जीवघेणा. अपोलोचे न्यूरॉलॉजिस्ट डॉ. सुधीर कुमार यांनी उघड केली खरी समस्या. 27 वर्षांचा एक तरुण वारंवार डोकेदुखीचा त्रास होत असल्याने एका क्लिनिकमध्ये गेला.त्याला वाटत होते—कदाचित ताण , झोपेची कमी किंवा कामाचा थोडा दगदग असेल.पण पुढे जे समोर आले ते धक्कादायक आणि जीवघेणे ठरू शकणारे होते. आजचा ब्लॉग या विषयावर. सविस्तर : क्लिनिकमध्ये त्याचा रक्तदाब मोजला. त्याचे रक्तदाबाचे मोजमाप 190/110 mmHg! इतका भयानक उच्च रक्तदाब एका तरुणामध्ये… हे सामान्य नव्हते.अपोलो हॉस्पिटल्सचे न्यूरॉलॉजिस्ट डॉ. सुधीर कुमार यांनी X वर ही संपूर्ण घटना शेअर करताना सांगितले की , ही केस म्हणजे एका लपलेल्या रोगाशी , धावपळ करत करत केलेली जीव वाचवणारी शर्यत होती. क्लिनिकमध्ये दाखल होताच दिसू लागले धोक्याचे संकेत.तरुण दिसायला अस्वस्थ वाटत होता.खोली एसीची असूनही त्याचा घाम थांबत नव्हता.त्याचे हात थरथरत होते.तो सतत घाबरलेला , तणावग्रस्त जाणवत होता....