Skip to main content

हायपोग्लायसेमिया, रक्तातील साखर अचानक कमी होणे

ब्लॉग नं. 2025/351. दिनांक: 15 डिसेंबर, 2025.    मित्रांनो,  डायबेटीस असलेल्या व्यक्तींना “साखर वाढते” या भीतीइतकीच आणखी एक गंभीर भीती असते,ती म्हणजे हायपोग्लायसेमिया , म्हणजेच रक्तातील साखर अचानक धोकादायकरित्या कमी होणे.ही स्थिती शरीराला ‘तत्काळ आपत्ती’ भासवते आणि योग्य वेळी उपचार न झाल्यास मेंदूवरही गंभीर परिणाम होऊ शकतात.याच विषयावर सविस्तर वाचा आजच्या ब्लॉगमध्ये. सविस्तर: हायपोग्लायसेमिया म्हणजे काय ? सामान्यतः , डायबेटीस असलेल्या रुग्णांमध्ये रक्तातील साखर 70 mg/dl खाली गेली तर आणि डायबेटीस नसलेल्या रुग्णांमध्ये रक्तातील साखर 50 mg/dl खाली गेली तर ही स्थिती हायपोग्लायसेमिया म्हणून ओळखली जाते.मानवी मेंदूला सतत ऊर्जेचा पुरवठा ग्लुकोज मधूनच होतो. त्यामुळे रक्तातील साखर अचानक कमी झाल्यावर मेंदूला “इमर्जन्सी सिच्युएशन” निर्माण झाल्यासारखे वाटते आणि शरीरात अनेक बदल घडतात. ⭐ हायपोग्लायसेमियाची सुरुवातीची लक्षणे: मेंदूला ऊर्जा कमी मिळाल्यावर पुढील लक्षणे दिसू शकतात, गोंधळ , चक्कर , विस्मरण, नकारात्मक विचार , नैराश्य, डबल व्हिजन / ब्लर म्हणजे अंधुक दिसणे, बोलण्यात अडथळा , ...
3 comments

सोललेले बदाम विरुद्ध सालीसह बदाम, कोणते अधिक फायदेशीर

 ब्लॉग नं: 2025/331.

दिनांक: 25 नोव्हेंबर,2025. 

मित्रांनो,

सोललेले बदाम विरुद्ध सालीसह बदाम:

चविष्ट,कुरकुरीत आणि पोषक मूल्यांनी भरलेले बदाम,नेहमीच लोकांना खावेसे वाटतात.आणि एक  आरोग्यदायी ड्राय फ्रूट म्हणून ओळखले जातात. पण एक प्रश्न अनेक वर्षांपासून लोकांच्या मनांत आहे की, बदाम त्वचेसह खावेत का की सोलून खावेत? सालासहित की विनासालीचा बदाम जास्त फायदेशीर आहे? या प्रश्नाचे उत्तर आपण आजच्या या ब्लॉगमधून जाणून घेणार आहोत.

सविस्तर:   

सालासहित की विनासालीचा बदाम जास्त फायदेशीर आहे? या प्रश्नाचे उत्तर जाणून घेण्यासाठी बदामांचे पोषण,त्यातील अँटिऑक्सिडंट्स,फायबर,पचन क्षमता आणि एकूण आरोग्यावर होणारा परिणाम समजून घेणे आवश्यक आहे.

बदामाला त्वचा असते का? ती तुमच्या आरोग्यासाठी किती फायद्याची?

आपल्याला माहित आहे की,बदामांवर एक पातळ तपकिरी त्वचा असते. ही फक्त दिसण्यासाठी नसून ती पॉलीफेनॉल्स नावाच्या अँटिऑक्सिडंट्सने समृद्ध असते.संशोधनानुसार, सुमारे 70% अँटिऑक्सिडंट्स बदामांच्या त्वचेमध्ये आढळतात.

अँटिऑक्सिडंट्स म्हणजे काय?

अँटिऑक्सिडंट्स तुमच्या शरीरातील, जळजळ कमी करतात,पेशींचे नुकसान रोखतात,वार्धक्याची गती मंदावतात आणि हृदयाचे व मेंदूचे आरोग्य सुधारतात.म्हणूनच, अँटिऑक्सिडंट्सच्या दृष्टीने पाहता सालीसह बदाम नक्कीच अधिक शक्तिशाली आणि फायदेशीर ठरतात.

भिजवून सोललेले बदाम पचायला सोपे असतात का?

अनेक लोक रात्री बदाम भिजवून सकाळी त्यांची साल काढून खातात. यामागे काही कारणे अशी आहेत.

बदामाच्या सालामध्ये टॅनिन नावाचे घटक असतात, जे काही वेळा पोषक तत्वांचे शोषण कमी करू शकतात. भिजवलेले बदाम मऊ होतात आणि पचायला अधिक सोपे बनतात.

काही लोकांना भिजवलेले बदाम खाल्ल्यानंतर सूज किंवा गॅस कमी होण्याचा अनुभव येतो.म्हणून ज्यांना आम्लता, पचनाच्या तक्रारी किंवा संवेदनशील पोट असते, त्यांच्यासाठी सोललेले बदाम उत्तम पर्याय असू शकतात. परंतु ज्यांना अशा समस्या नाहीत, त्यांच्यासाठी बदामाची साल ठेवणेच अधिक आरोग्यदायी.

पोषण तुलना: कोणते बदाम खाल्ले तर अधिक फायदा?

1) सालीसह बदाम:

सालीसह बदाम,अँटिऑक्सिडंट्सने समृद्ध असतात, यांत जास्त व्हिटॅमिन ई, सालीसह बदामांत अधिक फायबर असतं,ते रक्तातील साखर नियंत्रणात मदत करतात. त्यांनी जास्त वेळ भूक नियंत्रण होते. म्हणजे ते वजन नियंत्रणातही मदत करतात.    

2) सोललेले बदाम:

सोललेल्या बदामात थोडे कमी फायबर असते, ते मऊ आणि चघळायला सोपे असतात, दातांच्या समस्या असलेल्या व्यक्तींना अनुकूल असतात,तसेच संवेदनशील पोट असलेल्या लोकांसाठी अधिक योग्य असतात.  

समारोप:
            एकूण पोषणाच्या दृष्टीने सालीसह बदाम अधिक फायदेशीर आहेत.त्यातील अतिरिक्त फायबर व अँटिऑक्सिडंट्स हेच त्यांचे खरे बळ आहे. तसेच वजन कमी करण्याच्या प्रयत्नात हे कामाचे आहेत.त्वचा उजळणे आणि हृदय आरोग्य यासाठी दोन्ही प्रकारचे बदाम उत्तम आहेत. रोज किती बदाम खायला हवेत? तर सकाळी 5-6 भिजवलेले बदाम, त्यातील अर्धे सालीसकट आणि अर्धे सोललेले खा.जर पचनाच्या समस्या नसतील तर सालीसह बदाम प्राधान्याने घ्या.जर पोट संवेदनशील किंवा अॅसिडिटीची समस्या असेल तर सोललेले बदाम निवडा.

आजचा हा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

 प्रसाद नातु,

(आरोग्य आणि जीवनशैली विषयांवर लेखन करणारे लेखक)

📝 टीप: हा लेख केवळ माहितीपुरता आहे. कोणताही वैद्यकीय सल्ला घेण्यासाठी आपल्या डॉक्टरांशी संपर्क करावा. 

 image courtesy ChatGpt

Labels:

Comments

  1. मिलिंद निमदेवNovember 25, 2025 at 6:59 AM

    अतिशय उपयुक्त ब्लॉग
    सोललेल्या बदामाचे फायदे व
    सालासकट बदाम खाण्याचे फायदे दोन्ही कळले
    धन्यवाद नातू साहेब
    मिलिंद निमदेव

    ReplyDelete
  2. RamanNovember 25, 2025 at 1:02 PM

    Nice information

    ReplyDelete

Post a Comment

Popular posts from this blog

वजन कमी करण्यासाठी काय चांगले-गव्हाची पोळी की ज्वारीची भाकरी

Blog No. 2024/ 1 23 .   Date: 16 th ,June 2024 मित्रांनो,             मराठीत पोळी किंवा इतर प्रदेशात,विशेषतः हिन्दी बेल्टमध्ये ज्याला रोटी म्हणतात. ती पोळी किंवा रोटी आपल्या जेवणातील एक प्रमुख पदार्थ आहे.दक्षिण भारतात हा प्रकार तेवढा प्रचलित नाही.पण रोजच्या जेवणातील हा प्रमुख पदार्थ असल्याने ज्यांना वजन कमी करायचे आहे,त्यांना निश्चितपणे पोळी किंवा रोटी किती खावी आणि खावी तर कुठल्या पिठाची खावी, हा प्रश्न पडतो.अलीकडेच आहारतज्ञ रुचिता बत्रा यांनी आपल्या ईन्स्टाग्रामवर वजन कमी करण्यासाठी कुठले पीठ वापरावे याविषयी मार्गदर्शन केले आहे.त्याच विषयी आजच्या ब्लॉगमध्ये चर्चा करू. सविस्तर:             मराठीत पोळी , किंवा हिन्दीत रोटी , अशी अनेक भारतीय जेवणांमध्ये एक मुख्य पदार्थ असलेली पोळी, बनविण्यासाठी वेगवेगळ्या ठिकाणी वेगवेगळ्या प्रकारचे पीठ वापरले जाते.राजस्थानमध्ये , बाजरे की रोटी (मोती बाजरी) सामान्य आहे , तर पंजाबसारख्या प्रदेशात मैदा आणि इतर पिठापासून बनवलेले न...
10 comments
Read more

आम्हा न कळे ज्ञान, न कळे पुराण वेदांचे वचन

Blog No. 2023/98          Date: 21st , April 2023 .   मित्रांनो ,                आज अक्षय्यतृतीया आहे. अक्षय्य तृतीया   साडेतीन मुहूर्तापैकी एक शुभमुहूर्त समजला जातो . साडेतीन मुहूर्त असे दिवस असतात की   ज्या दिवशी कुठलेही कार्य करावयाचे असेल तर मुहूर्त पहायची गरज नाही. असे म्हणतात की ह्या तिथीला केलेले दान क्षयाला जात नाही म्हणजेच ते अविनाशी असते, या दिवशी देव आणि पितर यांना उद्देशून जे कर्म केले जाते ते अक्षय होते.हा दिवस पितरांचे ऋण फेडण्याचा आहे असेही म्हणतात.तर आजच्या दिवसाला एक अनन्य साधारण असे महत्व आहे.   प्रास्ताविक                माझा ह्या सऱ्यावर विश्वास नाही असे नाही पण त्या निमित्ताने जो ढोंगीपणा चालतो त्याचा मला मनापासून राग येतो.ज्याच्या स्वतःच्या मनातल्या वासना मरेपर्यंत संपत नाही असा वासनांवर विजय कसा मिळवायचा हे सांगू  लागतो. तेव्हा हसू येतं.जन्मभर पाप करीत फिरणारे चारोधाम यात...
6 comments
Read more

प्रयागराजचा महाकुंभ-माझे अनुभव

ब्लॉग नं.2025/043   दिनांक: 12 फेब्रुवारी,2025.   मित्रांनो,             नुकतीच मी प्रयागराज,अयोध्या आणि वाराणसी या तीन, धार्मिक दृष्ट्या अतिशय महत्वपूर्ण अशा स्थळांची यात्रा करून परतलो.यातील अयोध्या आणि वाराणसी या स्थळांची यात्रा आपल्याला केव्हाही करता येते/येईल. पण  प्रयागराज येथे सध्या म्हणजे 13 जानेवारी ते 26 फेब्रुवारी,या 26 दिवसांत महाकुंभ साजरा केला जात आहे. तसा तो दर 12 वर्षानी कुंभमेळा साजरा केला जातो. पण या वर्षीचा कुंभमेळा विशेष आहे. आणि जो 144 वर्षातून एकदाच होत असतो. त्यामुळे त्याला विशेष महत्व आहे. आणि त्रिवेणी संगमावर या 45 दिवसांत जाऊन स्नान करण्याला विशेष महत्व आहे. आजच्या ब्लॉगमध्ये या विषयीच विषयी सारे काही. सविस्तर:             पुराणात असे सांगितले जाते की, देव आणि दैत्य किंवा सुर आणि असुर यांच्यात तुंबळ युद्ध सुरू झाले.या युद्धाच्या दरम्यान समुद्र मंथन करण्यात आले,त्याचा एक हेतु हा होता की,समुद्रात दडलेले अमृत मिळवायचे,ज्याचे प्राशन के...
8 comments
Read more