ब्लॉग नं. 2025/351. दिनांक: 15 डिसेंबर, 2025. मित्रांनो, डायबेटीस असलेल्या व्यक्तींना “साखर वाढते” या भीतीइतकीच आणखी एक गंभीर भीती असते,ती म्हणजे हायपोग्लायसेमिया , म्हणजेच रक्तातील साखर अचानक धोकादायकरित्या कमी होणे.ही स्थिती शरीराला ‘तत्काळ आपत्ती’ भासवते आणि योग्य वेळी उपचार न झाल्यास मेंदूवरही गंभीर परिणाम होऊ शकतात.याच विषयावर सविस्तर वाचा आजच्या ब्लॉगमध्ये. सविस्तर: हायपोग्लायसेमिया म्हणजे काय ? सामान्यतः , डायबेटीस असलेल्या रुग्णांमध्ये रक्तातील साखर 70 mg/dl खाली गेली तर आणि डायबेटीस नसलेल्या रुग्णांमध्ये रक्तातील साखर 50 mg/dl खाली गेली तर ही स्थिती हायपोग्लायसेमिया म्हणून ओळखली जाते.मानवी मेंदूला सतत ऊर्जेचा पुरवठा ग्लुकोज मधूनच होतो. त्यामुळे रक्तातील साखर अचानक कमी झाल्यावर मेंदूला “इमर्जन्सी सिच्युएशन” निर्माण झाल्यासारखे वाटते आणि शरीरात अनेक बदल घडतात. ⭐ हायपोग्लायसेमियाची सुरुवातीची लक्षणे: मेंदूला ऊर्जा कमी मिळाल्यावर पुढील लक्षणे दिसू शकतात, गोंधळ , चक्कर , विस्मरण, नकारात्मक विचार , नैराश्य, डबल व्हिजन / ब्लर म्हणजे अंधुक दिसणे, बोलण्यात अडथळा , ...
ब्लाॅग नं.2025/274
दिनांकः 29 सप्टेंबर, 2025.
मित्रांनो,
तुमच्या शरीरातलं कोणतं अंग तुमच्यावर रुसलेलं आहे?
आपण सगळेच कधी ना कधी एखाद्या शारीरिक त्रासाचा सामना करतो. कुणाला थकवा जाणवतो, कुणाचं पचन नीट होत नाही, कुणाला भूक लागत नाही, तर कुणी सतत चिडचिड करतं. पण या त्रासामागचं कारण काय असू शकतं? खरं तर, तुमचं शरीर तुमच्याशी बोलत असतं… फक्त आपण त्याचं ऐकत शिकत नाही. आजचा ब्लॉग याच विषयावर आहे.
सविस्तर:
खरं पाह्यला गेलं तर, आपलं शरीर आपल्याला कित्येक वेळा छोटे मोठे संकेत देत असतं. पण त्या संकेतांकडे आपण वेळीच लक्ष देत नाही,आणि मग त्याचं रूपांतर एखाद्या मोठ्या संकटात होतं. म्हणून या शरीराच्या छोट्या मोठ्या संकेतांकडे गंभीर पूर्वक पाहणे,गरजेचे आहे.
शरीराचे छोटे-छोटे संकेत:
थोडं लक्षपूर्वक पाहिलं, तर आपल्याला काही संकेत दिसू शकतात: जसे की,
1.सकाळी उठतानाच अंग थकल्यासारखं वाटणं,
2.चेहरा फिकट, निस्तेज दिसणं,
3.डोकं जड-जड वाटणं,
4.खाल्ल्यानंतर पोट सुजल्यासारखं जाणवणं,
5.थोडं खाल्लं तरी लगेच पोट भरल्यासारखं वाटणं, आणि
6. उत्साह कमी होणं.
जर ही २-३ लक्षणं तुमच्यात आढळली, तर समजा की तुमचं लिव्हर तुमच्यावर रुसलंय!
लिव्हर रुसतं म्हणजे काय?
लिव्हर म्हणजे आपल्या शरीराचा फिल्टर. शरीरातले टॉक्सिन्स, औषधांचे अंश, जड पदार्थ, हार्मोन्स, केमिकल्स यांचं शुद्धीकरण हे त्याचं काम. पण जेव्हा आपण जास्त oily पदार्थ, फास्ट फूड, दारू, गोड खाणं, रात्रभर जागणं किंवा ताणतणाव वाढवतो – तेव्हा लिव्हरवर प्रचंड भार येतो. हळूहळू ते थकायला लागतं आणि आपल्याला लक्षणांमधून सांगू लागतं –"जरा माझ्याकडे लक्ष दे!"
लिव्हरला खुश करण्याचे सोपे उपाय:
रुसलेलं लिव्हर फार काही मागत नाही. फक्त थोडीशी काळजी:
1. सकाळची सुरुवात डिटॉक्सने करा – कोमट पाण्यात लिंबाचा रस आणि थोडं मध मिसळून घ्या.
2. फास्ट फूडवर ब्रेक लावा – पिझ्झा, बर्गर, फ्राईड पदार्थ जरी आवडत असले तरी थोडं कमी करा.
3. रात्री उशिरा जेवण टाळा – कारण लिव्हर रात्री दुरुस्ती (repair mode) मध्ये जातं.
4. दररोज व्यायाम करा – २० मिनिटं चालणं, प्राणायाम किंवा योगासनं लिव्हरला ताकद देतात.
5. पुरेसं पाणी प्या – दिवसाला ८-१० ग्लास पाणी टॉक्सिन्स बाहेर टाकायला मदत करतं.
समारोप:
लिव्हर तुमच्यावर रुसलेलं असेल… पण त्याला थोडं प्रेम, थोडी काळजी आणि थोडं लक्ष दिलंत, की ते पुन्हा आनंदी होतं. लक्षात ठेवा – आरोग्य म्हणजे केवळ औषधं नाहीत, तर आपल्या शरीराशी मैत्री करण्याची एक सुंदर प्रक्रिया आहे.शरीराचे संकेत ऐका, लिव्हरला सांभाळा आणि निरोगी आयुष्याचा आनंद घ्या! 🌿
आजचा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा.
✍🏻 लेखक: प्रसाद नातु
(आरोग्य व जीवनशैली विषयक लेखक)
📝 टीप: हा लेख केवळ माहितीपुरता आहे. कोणताही वैद्यकीय सल्ला घेण्यासाठी आपल्या डॉक्टरांशी संपर्क करावा.
आजचा ब्लॉग खूप छान आहे. लिव्हर विषयी बरीच नविन माहिती मिळाली, धन्यवाद प्रसाद
ReplyDeleteमिलिंद निमदेव
छान आणि महत्वपूर्ण माहिती
ReplyDeleteछान माहिती मिळाली.
ReplyDelete🙏RR
ReplyDeleteछान माहिती
ReplyDelete