सुरण एक उपयोगी भाजी (#Dragon stalk yam)

ब्लॉग नं:2025/274.

दिनांक:30 ऑक्टोबर, 2025.

मित्रांनो, 

40 नंतर मधुमेह व उच्च रक्तदाबावर नियंत्रण हवे आहे? पोषणतज्ज्ञ सांगतात – ‘सुरण’ खा!

40 वर्षांनंतर आपल्या आहाराकडे विशेष लक्ष देणे गरजेचे ठरते. मधुमेह (डायबेटीस), उच्च रक्तदाब (हाय बीपी) आणि वजनवाढ,ही या वयात अनेकांना भेडसावणारी प्रमुख आरोग्याची आव्हाने आहेत. अशा वेळी संतुलित आहार ही औषधाइतकीच प्रभावी ठरते .आजच्या ब्लॉग मध्ये आपण या संबंधी सविस्तर जाणून घेणार आहोत.

सविस्तर:

पोषणतज्ज्ञ लीना महाजन यांनी अलीकडेच त्यांच्या इन्स्टाग्राम पोस्टमध्ये एक साधी पण प्रभावी भाजी सुचवली आहे – सुरण (जिमीकंद/याम्स). दिसायला साधं वाटणारं हे कंदमुळ आपल्या आरोग्यासाठी अनेक प्रकारे उपयोगी आहे.

सुरण खाण्याचे फायदे:

लीना महाजन यांच्या मते, सुरणाचे नियमित सेवन केल्यास खालील आरोग्यदायी लाभ मिळू शकतात:

1.रक्तातील साखर संतुलित ठेवते – मधुमेह असलेल्या रुग्णांसाठी विशेषतः उपयुक्त.

2.हृदयाचे आरोग्य सुधारते – पोटॅशियममुळे रक्तदाब नियंत्रणात राहतो.

3.पचनासाठी फायदेशीर – फायबरमुळे बद्धकोष्ठता कमी होते आणि वजन नियंत्रणास मदत होते.

4.त्वचा व रोगप्रतिकारक शक्ती सुधारते – अँटिऑक्सिडंट्समुळे त्वचेला चमक येते आणि शरीराला आजारांपासून]]सुरण कबाब – एक चविष्ट हेल्दी डिश

सुरणाची एक रेसिपी:

आरोग्यदायी खाणे म्हणजे चव गमावणे असे नाही.  महाजन यांनी शेअर केलेली ही सोपी आणि चविष्ट रेसिपी करून बघा:

साहित्य:

1.तेल – 2 टेबलस्पून, 2.आलं – 1 टेबलस्पून, 3.हिरव्या मिरच्या – 2, 4.उकडलेले व चिरलेले सुरण – 250 ग्रॅम, 5.लाल तिखट – 1 टीस्पून,6.हळद – ½ टीस्पून, 7.धणे पूड – 1 टेबलस्पून, 8.जिरे पूड – ½ टीस्पून, 9.ओट्स पीठ/भाजलेल्या हरभऱ्याची डाळीचे पीठ – ½ कप

10.कोथिंबीर – 2 टेबलस्पून, 11.काळीमिरी – १ टीस्पून, 12.गरम मसाला – १ टीस्पून, 13.वेलची पूड – ¼ टीस्पून, 14.लिंबूरस – अर्ध्या लिंबाचा,15.मीठ – चवीनुसार, 16.ब्रेडक्रंब्स – ½ कप, 17.पुदिना – सजावटीसाठी

कृती:

1.कढईत तेल गरम करून आलं, मिरच्या आणि सुरण हलके परतून घ्या.2. त्यात लाल तिखट, हळद, धणे-जिरे पूड घालून दोन मिनिटे शिजवा.3. नंतर ओट्स पीठ घालून नीट हलवा.4. हे मिश्रण एका भांड्यात काढून त्यात कोथिंबीर, काळीमिरी, गरम मसाला, वेलची पूड आणि लिंबूरस घालून मॅश करा.5. मीठ घालून लहान कबाबच्या आकारात गोळे करा.6. ब्रेडक्रंब्समध्ये घोळवून दोन्ही बाजूंनी तव्यावर कुरकुरीत होईपर्यंत भाजा.7. पुदिन्याने सजवून हिरव्या चटणीसोबत सर्व्ह करा.

विज्ञान काय सांगते?

‘हेल्थलाइन’च्या अहवालानुसार सुरण हे पोषक तत्त्वांनी समृद्ध आहे. यात पोटॅशियम, मॅंगनीज, फायबर, कॉपर आणि व्हिटॅमिन सी असते. हे घटक हाडांची ताकद, चयापचय, लोहतत्वाचे शोषण आणि रोगप्रतिकारक शक्ती सुधारण्यास मदत करतात.संशोधनात आढळले आहे की,सुरणामध्ये डायोजेनिन (Diosgenin) नावाचे संयुग असते,जे मज्जातंतूंची वाढ आणि स्मरणशक्ती सुधारण्यास मदत करते. अँटिऑक्सिडंट्समुळे शरीरातील दाह कमी होतो, कर्करोगाचा धोका कमी होतो आणि एकूण आरोग्य सुधारते.प्राण्यांवर झालेल्या संशोधनात असे दिसले की,सुरणावर आधारित आहारामुळे आतड्यातील ट्युमरची वाढ कमी होते. तसेच प्रयोगशाळेतील अभ्यासात सुरणाचे अर्क, रक्तातील ग्लुकोज आणि HbA1c कमी करण्यास उपयुक्त ठरले.

समारोप:

मधुमेह, उच्च रक्तदाब किंवा वजनवाढ यांसारख्या समस्यांनी त्रस्त असाल तर,सुरण आपल्या दैनंदिन आहारात जरूर समाविष्ट करा. हे आरोग्यासाठी उपयुक्त तर आहेच, पण योग्य पद्धतीने बनवल्यास खूप चविष्टही लागते.40 नंतरची जीवनशैली अधिक आनंददायी आणि निरोगी करण्यासाठी,हा साधा पण प्रभावी उपाय जरूर करून बघा.

आजचा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा. 

 

✍🏻 लेखक: प्रसाद नातु 

(आरोग्य व जीवनशैली विषयक लेखक)

📝 टीप: हा लेख केवळ माहितीपुरता आहे. कोणताही वैद्यकीय सल्ला घेण्यासाठी आपल्या डॉक्टरांशी संपर्क करावा.