ब्लॉग नं. 2025/351. दिनांक: 15 डिसेंबर, 2025. मित्रांनो, डायबेटीस असलेल्या व्यक्तींना “साखर वाढते” या भीतीइतकीच आणखी एक गंभीर भीती असते,ती म्हणजे हायपोग्लायसेमिया , म्हणजेच रक्तातील साखर अचानक धोकादायकरित्या कमी होणे.ही स्थिती शरीराला ‘तत्काळ आपत्ती’ भासवते आणि योग्य वेळी उपचार न झाल्यास मेंदूवरही गंभीर परिणाम होऊ शकतात.याच विषयावर सविस्तर वाचा आजच्या ब्लॉगमध्ये. सविस्तर: हायपोग्लायसेमिया म्हणजे काय ? सामान्यतः , डायबेटीस असलेल्या रुग्णांमध्ये रक्तातील साखर 70 mg/dl खाली गेली तर आणि डायबेटीस नसलेल्या रुग्णांमध्ये रक्तातील साखर 50 mg/dl खाली गेली तर ही स्थिती हायपोग्लायसेमिया म्हणून ओळखली जाते.मानवी मेंदूला सतत ऊर्जेचा पुरवठा ग्लुकोज मधूनच होतो. त्यामुळे रक्तातील साखर अचानक कमी झाल्यावर मेंदूला “इमर्जन्सी सिच्युएशन” निर्माण झाल्यासारखे वाटते आणि शरीरात अनेक बदल घडतात. ⭐ हायपोग्लायसेमियाची सुरुवातीची लक्षणे: मेंदूला ऊर्जा कमी मिळाल्यावर पुढील लक्षणे दिसू शकतात, गोंधळ , चक्कर , विस्मरण, नकारात्मक विचार , नैराश्य, डबल व्हिजन / ब्लर म्हणजे अंधुक दिसणे, बोलण्यात अडथळा , ...
Blog No 2024/270.
दिनांक:11th,November, 2024
मित्रांनो,
काल मी लॅपटॉपवर ब्लॉग लिहीत बसलो होतो.मला अगदी पूर्वीपासून एक छंद आहे,एखादं काम करत असतांना सोबत दुसरं देखिल करायचं. एक प्रकारचं मल्टीटास्किंग म्हणा ना.मी यूट्यूबवर गाणी देखिल ऐकत होतो. आणि अचानक आशा भोसले यांच्या आवाजातील एका गझलने माझं लक्ष वेधलं.एकदा ऐकलं,दुसऱ्यांदा, तिसऱ्यांदा आणि मग ज्या विषयावर ब्लॉग लिहित होतो,तो विषय मागे ठेवला आणि ज्या गझलवर हा आजचा ब्लॉग.
सविस्तर:
क़मर जलालवी यांची ही गझल आहे,आशा भोसले यांनी अतिशय सुरेख गायली आहे. “कशिश” या अल्बम मधील आहे. गझलचे बोल असे आहे. त्याचा अर्थ देखिल मला खूप आवडला.या गझलमधील हरकती इतक्या सुंदर आहेत की त्या केवळ आशाताईच घेऊ शकतात, असा आपला विश्वास होऊन जातो.मूळ गझल मधे सहा शेर आहेत,पण आशाताईंच्या गझलमध्ये फक्त तीनचा समावेश आहे.
कभी कहाँ न किसी से तेरे फ़साने को
न जाने कैसे ख़बर हो गई ज़माने को. 1.
मराठी अर्थ:
कधीच कुणाला सांगितलं नाही तुझ्या कहाणीबद्दल,
पण कसं काय माहित नाही, साऱ्या जगाला हे कसं कळलं
दुआ बहार की माँगी तो इतने फूल खिले
कहीं जगह न रही मेरे आशियाने को. 2.
मराठी अर्थ:
वसंत ऋतुची प्रार्थना केली, तर इतकी फूलं फुललली
की माझ्या घरट्याला जागाच उरली नाही."
अब आगे इस में तुम्हारा भी नाम आएगा
जो हुक्म हो तो यहीं छोड़ दूँ फ़साने को. 3.
मराठी अर्थ:
आता या कहाणीत तुझंही नाव येईल,
तू म्हणशील तर इथेच थांबवते ही गोष्ट
'क़मर' ज़रा भी नहीं तुम को ख़ौफ़-ए-रुस्वाई
चले हो चाँदनी शब में उन्हें बुलाने को. 4.
मराठी अर्थ:
क़मर, तुला लोक काय म्हणतील याची अजिबात भीती नाही का?
जो तू या चांदण्याच्या रात्री त्यांना बोलवावयास निघालास.
समारोप:
गझलचा खरा आनंद घ्यायचा असेल तर, इतने फूल खिले, तुम्हारा भी नाम आएगा आणि ख़ौफ़-ए-रुस्वाई हे प्रत्येक शेर मधील पहिल्या ओळीतले शब्द,आशाताई दुसऱ्यांदा गातात,तेव्हा काळजीपूर्वक ऐका. मजा येईल. नेहमी health, informative यावर ब्लॉग लिहीत असतांना मला संगीतावर एखादा ब्लॉग लिहिण्याची मनस्वी इच्छा होते. ते तुम्हाला आवडतात कां हे कमेन्टस मधे जरूर कळवा.
आजचा हा ब्लॉग तुम्हाला कसा वाटला,हे कमेन्ट बॉक्स मध्ये जरूर लिहा. पुन्हा भेटूया उद्याच्या ब्लॉग मध्ये तोपर्यंत आपली आणि आपल्या परिवाराची काळजी घ्या. स्वस्थ रहा,आनंदी रहा,मस्त जगा.
प्रसाद नातु, पुणे.
खूप छान अर्थ उलगडून सांगितला आहे.
ReplyDeleteVery nice
ReplyDelete