विटामिन D ची कमतरता घातक

ब्लॉग नं.2025/153

दिनांक: 3 मे, 2025.

मित्रांनो,

सध्याच्या जीवनशैलीत व्हिटामीन डी ची कमतरता सामान्य झाली आहे.सतत टेन्शन येणे, डिप्रेशनमध्ये जाणे, कंबरदुखी, पाठदुखी किंवा मसल्स क्रॅम्प्स येणे ही लक्षणे दिसली तर तुमच्या शरीरात व्हिटामीन डी कमी आहे का, याची तपासणी करणे गरजेचे आहे.कारण व्हिटामीन-D ची कमतरता शरीराला आतून पोकळ बनवते; यासाठी काय खायला हवे, हे आज आपण आजच्या ब्लॉगमध्ये जाणून घेणार आहोत.

सविस्तर:

व्हिटामीन डी का महत्त्वाचे?

व्हिटामीन डी केवळ हाडांसाठीच नाही,तर मानसिक आरोग्यासाठीही महत्त्वाचे आहे. नॅशनल सेंटर फॉर बायोटेक्नोलॉजी च्या अहवालानुसार, या व्हिटामीनच्या अभावामुळे मानसिक स्थितीवर परिणाम होतो, आणि डिप्रेशन होण्याची शक्यता वाढते.जर तुम्हाला उन्हात जाणे शक्य नसेल, तर काही खाद्यपदार्थांच्या मदतीने तुम्ही व्हिटामीन डी ची पूर्तता करू शकता. तज्ञांच्या मते, व्हिटामीन डी युक्त पदार्थांचा आहारात समावेश करणे फायदेशीर ठरते.त्याआधी व्हिटामीन डी च्या कमतरतेमुळे,शरीरावर आणि मानसिक आरोग्यावर काय परिणाम होऊ शकतात.हे आपण पाहू या.   

1. हाडांची समस्या:

·        हाडं कमकुवत होतात आणि ऑस्टिओपोरोसिस किंवा रिकेट्स होण्याची शक्यता वाढते.

·        हाडं ठिसूळ होऊन फ्रॅक्चरचा धोका वाढतो.

2. मसल्स क्रॅम्प्स आणि कमजोरी:

·        स्नायूंमध्ये कमकुवतपणा आणि क्रॅम्प्स जाणवतात.

·        शरीरात सतत थकवा जाणवतो, जरी कमी शारीरिक मेहनत घेतली तरी.

3. प्रतिकारशक्ती कमी होते:

·        शरीराची रोगप्रतिकारशक्ती घटते, ज्यामुळे सर्दी, खोकला, आणि इतर संसर्गांचा धोका वाढतो.

4. मानसिक आरोग्यावर परिणाम:

·        डिप्रेशन किंवा सतत उदासीनता येते.

·        चिडचिडेपणा आणि एकाग्रतेत अडथळा जाणवतो.

5. हृदयाशी संबंधित समस्या:

·        व्हिटामीन डी च्या कमतरतेमुळे उच्च रक्तदाबाचा धोका वाढतो.

·        हृदयविकार होण्याची शक्यता अधिक असते.

6. मधुमेहाचा धोका:

·        शरीरातील इंसुलिनची संवेदनशीलता कमी होते, ज्यामुळे मधुमेहाचा धोका वाढतो.

7. त्वचेवर परिणाम:

·        त्वचेमध्ये कोरडेपणा आणि डाग निर्माण होऊ शकतात.

8. लहान मुलांमध्ये विकासास अडथळा:

·        मुलांच्या हाडांचा विकास योग्य प्रकारे होत नाही.

·        दातांमध्ये समस्या होऊ शकतात.

यासाठी कोणते पदार्थ खावेत हे आपण बघू या.

व्हिटामीन डी युक्त 5 पदार्थ:

1.       मशरूम:
मशरूम हा व्हिटामीन डी चा उत्तम नैसर्गिक स्रोत आहे. यामध्ये आवश्यक मिनरल्सही भरपूर प्रमाणात असतात. मशरूमची भाजी, सूप किंवा सॅण्डविचमध्ये मशरूमचा समावेश करा.

2.       फोर्टिफाईड फूड्स:

दूध, संत्र्याचा रस, प्लांट-बेस्ड दूध (बदाम आणि सोया मिल्क), आणि सेरेल्स यासारख्या फोर्टिफाईड फूड्समधून व्हिटामीन डी सहज मिळू शकते.

3.       कॉड लिव्हर ऑईल:

कॉड लिव्हर ऑईल हे व्हिटामीन डी चा उत्कृष्ट स्रोत आहे. यामध्ये ओमेगा-३ फॅटी अॅसिड्स आणि व्हिटामीन ए ही आहेत. सप्लिमेंट्सच्या स्वरूपातही याचा उपयोग करता येतो.

4.       पनीर आणि दुग्धजन्य पदार्थ:

पनीरमधून व्हिटामीन डी आणि प्रोटीन मिळते. याशिवाय दही, तूप आणि दलिया यांचा आहारात समावेश करून हाडे मजबूत ठेवता येतात.

5.       गाईचे दूध आणि तूप:

गाईचे दूध आणि तूप हे हाडांच्या आरोग्यासाठी उपयुक्त आहेत. लहान मुलांची हाडे मजबूत करण्यासाठी त्यांच्या आहारात दही, लोणी आणि तुपाचा समावेश करा.

समारोप :

जर तुमच्या शरीरात व्हिटामीन डी ची तीव्र कमतरता जाणवत असेल, तर डॉक्टरांच्या सल्ल्याने सप्लिमेंट्स घ्या. निरोगी शरीरासाठी योग्य आहार, सूर्यप्रकाश आणि व्यायाम या गोष्टींचा समतोल साधणे खूप महत्त्वाचे आहे.आरोग्याच्या दिशेने एक पाऊल पुढे टाका आणि व्हिटामीन डी युक्त जीवनशैलीचा स्वीकार करा.

आजचा ब्लॉग तुम्हाला कसा वाटला, कृपया कमेंट बॉक्समध्ये लिहा. पुन्हा भेटुया उद्याच्या ब्लॉगमध्ये, तोपर्यंत स्वतःची आणि तुमच्या कुटुंबाची काळजी घ्या. निरोगी राहा, आनंदी राहा, आनंदाने जागे व्हा.  

 

 प्रसाद नातु, पुणे.